იმისდა მიუხედავად რომ საქართველოში სახელმწიფო ლაბორატორიული ექსპერტიზის სისტემა ჯერ კიდევ არ არსებობს, რუსეთში ქართული მწვანილის გატანა შესაძლებელი იქნება. აღნიშნულთან დაკავშირებით ინფორმაციას იტარ-ტასი რუსეთის მთავარ სანიტარულ უწყებაზე დაყრდნობით ავრცელებს.

„როსსელხოზნადზორმა“ და საქართველოს სოფლის მეურნეობის სამინისტრომ ხელი მოაწერეს შეთანხმებას, რომელიც საქართველოდან რუსეთში მწვანილის (კამა, ოხრახუში, ქინძი და ა.შ) გატანას არეგულირებს.

რუსეთმა საქართველოდან მწვანილის იმპორტი 2005 წელს „როსსელხოზნადზორის“ დასკვნის საფუძველზე შეზღუდა.