ოზურგეთში ფოლკლორის ცენტრი გაიხსნა

კულტურა - 17:12, 16 Jan, 2015

1219

როგორც ფოლკლორის ცენტრის დირექტორმა, ავთანდილ სურგულაძემ განaცხადა "ოზურგეთში აშენდება ფოლკლორის სასახლე, ამისათვის ცენტრს გადაეცა ოზურგეთის ისტორიული მუზეუმის მარცხენა ფლიგელი. ოზურგეთში განთავსდება დასავლეთ საქართველოს ფოლკლორის ცენტრი, აქ გაიმართება კონფერენციები, სიმპოზიუმები, ოლიმპიადება და დათვალიერებები, გაიხსნება მუზეუმი, სადაც განთავსდება ყველა ამ დარგის გამოჩენილი მოღვაწის ბიოგრაფიები და აუდიო დისკები, ნებისმიერ დამთვალიერებლებს შეეძლება ნებისმიერი სიმღერის მოსმენა, ეს ასევე მნიშვნელოვანი იქნება ოზურგეთისათვის, აქ განვითარდება ფოლკლორული ტურიზმი."-გვითხრა სურგულაძემ.

როგორც საქართველოს ფოლკლორის ცენტრის ხელმძღვანელმა, გიორგი დონაძემ აღნიშნა, სულ ქვეყნის მასშტაბით 12 ფოლკლორის ცენტრი გაიხსნება, მაგრამ ოზურგეთი იქნება დასავლეთ საქართველოს ცენტრი, თბილისის ცენტრის ალტერნატივა და ყველა მნიშვნელოვანი ღონისძიების მასპინძელი".

სალოტბარო სკოლაში, რომელიც ოზურგეთში ფოლკლორის ცენტრის მიერ შემუშავებული პროგრამის საფუძველზე იმუშავებს, მსურველები უფასოდ შეისწავლიან უძველეს ქართულ სიმღერებსა და ტრადიციულ გალობას.

გამორჩეულ და ნიჭიერ ახალგაზრდებს, სალოტბარო სკოლის დამთავრების შემდეგ, შესაძლებლობა ექნებათ, თბილისის გიორგი მთაწმინდელის სახელობის საეკლესიო გალობის უმაღლეს სასწავლებელში მიიღონ განათლება.

გარდა ამისა, ახალგაზრდებს შეეძლებათ, ჩაერთონ სხვადასხვა ფესტივალსა და ღონისძიებაში, რაც საგრძნობლად გამოაცოცხლებს რეგიონის კულტურულ და ტურისტულ ცხოვრებას.

სალოტბარო სკოლების პედაგოგთა პროფესიული დონის ამაღლებას ფოლკლორის სახელმწიფო ცენტრი უზრუნველყოფს.

თეა იოსელიანი, გურია