"პარტიზანული მებაღეობის" ბუნდოვანი ტაიმ

"პარტიზანული მებაღეობის" ბუნდოვანი ტაიმ–აუტები

საზოგადოება - 16:34, 16 Jan, 2015

988

"პარტიზანული მებაღეობა" პანორამა–თბილისთან დაკავშირებით ტაიმ–აუტს იღებს და საპროტესტო კამპანიის წარმართვას ამჯერად ვაკის პარკის მიმდებარე ტერიტორიაზე გეგმავს, სადაც ინვესტორი რესტორან, "ბუდაპეშტის" ნაცვლად, ამავე სახელწოდების სასტუმროს აშენებას გეგმავს.
ეს პირველი შემთხვევა არ არის, როდესაც ამ ორგანიზაციამ და მისმა ხელმძღვანელმა, ნატა ფერაძემ გეგმები შეცვალეს. თავის დროზე ისინი ასეთივე ძალისხმევით აპროტესტებდნენ რესტორან, "ოტიუმის" მშენებლობას, თუმცა აქციები მოულოდნელად შეწყდა და რესტორანიც უპრობლემოდ გაიხსნა.
გავრცელდა ინფორმაცია, რომ მაშინ ამ ორგანიზაციასა და ინვესტორს შორის ფინანსური გარიგება შედგა. თავად, ნატა ფერაძე ამას კატეგორიულად უარყოფს და მის წინააღმდეგ აგორებულ კამპანიაზე საუბრობს.
„არანაირი შეთანხმება არ შემდგარა, პატრულმა წაგვათრია, ბოლო აქციაზე არ მოვიდა ხალხი და ვერ შეგროვდა მხარდაჭერების რაოდენობა“, - აცხადებს ფერაძე.
ახლა „პარტიზანი მებაღეების“ სამიზნე კვლავ სასტუმრო „ბუდაპეშტია“ რომლის მშენებლები სასტუმროს მშენებლობას იმ რესტორნის ტერიტორიაზე გეგმავენ რომელიც 1958 წლიდან არსებობდა. ადგილი ვაკის პარკს არ ეკუთნის. ინვესტორი ამბობს, რომ ისინი ეკოლოგიის დაზიანებას არ გეგმავენ და მშენებლობისთვის ყველა ნებართვა გააჩნიათ. თუმცა ფერაძე მაინც დაჟინებით საუბრობს იმაზე თუ, როგორ გაიჩეხება კუს ტბის მხარეს მისასვლელი გზა, რომელიც წლების წინ გაიჭრა.
ინვესტორისთვის „პარტიზანი მებაღის“ შენიშვნები გაუგებარია.
„ჩვენ გვაქვს ყველა ნებართვა, არაფერს არ ვჭრით, არ ვარღვევთ. მოვიდნენ კომპეტენტური ორგანზაციები და მიგვითითონ თუ ჩვენ რამეს ვარღვევთ. სახელმწიფომ არჩევანი უნდა გააკეთოს, რა უფრო მნიშვნელოვანია, 22 მილიონიანი ინცვესტიცია თუ გრანტზე მომუშავე რამდენიმე ადამიანის ინტერესი“, - აცხადებს ინვესტორი.