ამ წუთებში სოფელ ვარიანში, ადგილობრივი მოსახლეობის ნაწილი სასულიერო პირის მამა გრიგოლ (გოგიჩიძის) წინააღმდეგ საპროტესტო აქციას მართავს. ისინი ვარიანის პოლიციის განყოფილების შენობასთან არიან შეკრებილები.

როგორც „ნიუპოსტის“ კორესპონდენტი ადგილიდან იტყობინება, ვარიანელები სასულიერო პირს ტყუილში ადანაშაულებენ და ამბობენ , რომ მამა გრიგოლმა რამდენიმე დღის წინ საკუთარი ავტომობილი თავად დააზიანა და აღნიშნულის დაბრალებას ერთ-ერთ იმ ადგილობრივ ახალგაზრდისთვის ცდილობს, რომელის კუთვნილი ტელეფონი სამართალდამცველებმა შემთხვევის ადგილზე ნახეს.

აქციის მონაწილეების მტკიცებით, სასულიერო პირმა ახალგაზრდა მამაკაცის ტელეფონი იმ ოჯახიდან მოიპარა სადაც ისინინი ერთად ვახშმობდნენ და დანაშაულის ადგილზე მიიტანა. მათივე მტკიცებით ამის მიზეზი ისაა, რომ ახლაგაზრდა მამაკაცის მშობლებთან სასულიერო პირს მიწის ნაკვეთეფთან დაკავშირებით დავა ამ დრომდე აქვთ.

აქციაზე შეკრებილებს გადაწყვეტილი აქვთ რამდენიმე წუთში გორში, პროკურატურის შენობასთან შეიკრიბონ და სამართალდამცველებს საქმის ობიექტური გამოძიება მოსთხოვონ, მათი განცხადებით ახალგაზრდა მამაკაცი რომელიც უდანაშაულოა გამოძიების მიხედვით სასულიერო პირის მანქანის დაზიანებაში მთავარ ბრალდებულად მოიაზრება რასაც ისინი კატეგორიულად აპროტესტებენ.