მოსახლეობის დიდი ნაწილი საშუალოფასიანი ტანისამოსის შეძენასაც კი ვერ ახერხებს

საზოგადოება - 11:39, 16 Jan, 2015

1634

თბილისში საერთაშორისო ბრენდების ერთ ნაწილს პრობლემა შეექმნა, მიზეზი შოპინგ -ცენტრების მომრავლება და მოსახლეობს მყიდველობითი შესაძლელობების შესუსტებაა.

რამდენიმე ცნობილმა ბრენდმა ქართული ბაზარი უკვე დატოვა, ცოტა ხნის წინ ბაზარი დატოვა „მანგომ“, მანამდე კი პოზიციები დათმეს „რივერ აილენდმა“ და „დებენჰემსმა“, აგრეთვე გასულ წელს ბაზარი დატოვა “ტომ ტეილორმა“, მიზეზებზე კომპანიების წარმომადგენლები არ საუბრობენ. ფაქტია რომ ცნობილ ბრენდებს ქართულ ბაზარზე დამკვიდრება გაუჭირდათ.

ქართულ ბაზარზე შემოსვლა გადაიფიქრეს ცნობილმა ბრენდებმა, რომლებსაც გადაწყვეტილება მიღებული ჰქონდათ.

"სავაჭრო ცენტრების მომრავლებამ პრობლემები გამოიწვია, გამძაფრდა კონკურენცია. საქართველოში არ არის იმ დონის მომხმარებელი, რომელიც ძვირადღირებული ან თუნდაც საშუალო სეგმენტის მაღაზიების შემოთავაზებით სარგებლობს“.

გარდა ამისა არის მეორე პრობლემაც, საქართველოს დიდ ქალაქებში ტანსაცმლის შესაძენად ყველაზე პოპულარული ადგილი ბაზრობაა, სადაც ტანსაცმლის შეძენა თითქმის მიზერულ ფასად არის შესძლებელი.

ბაზრობაზე წარმოდგენილია ფალსიფიცირებული ბრენდული ტანსაცმელი, სპეციალისტების თქმით ორიგინალსა და ფალსიფიცირებულ ტანსაცმელს შორის სხვაობა ხშირად რამდენიმე ასეული ლარია, რაც ქართულ ბაზარზე ცნობილ კომპანიებს დიდ პრობლეემბს უქმნის.

კიდევ ერთი პრობლემა არის ის, რომ საქართველოში მომხმარებლის დიდი ნაწილი ტანსაცმელს სეზონურად ყიდულობს, მოსახლეობის დიდი ნაწილი კი საშუალოფასიანი ტანისამოსის შეძენასაც კი ვერ ახერხებს.

წყარო „რეზონანსი“.