„გავგიჟდები კიდევ!“ - „მანდარინები“ ოსკარზე და ზაზა ურუშაძის რეაქცია

საზოგადოება - 01:23, 16 Jan, 2015

5374

„როგორ მიხარია, “ „ასეთი ემოცია კარგა ხანია არ მქონია“, „ბედნიერი ვარ“, „ბრავოოო“ , „წარმატებები“ „მეტირება სიხარულისგან“, „ეს რა ბედნიერება დაგვაბედე დღეს“ ,„გვეამაყები“, „სიხარულის ცრემლები რა კარგი ყოფილა აღარც კი მახსოვდა“, „გენაცვალე ბიჭო“, „ეს უკვე გამარჯვებაა“! - ეს მცირედია იმ კომენტარებისა რასაც „ფეისბუქზე“, ზაზა ურუშაძის პირად გვერდზე ამოიკითხავთ.
ასე ერთიანი, გახარებული და ბედნიერი რამდენი ხანია არ ყოფილა ერი. ზაზა ურუშაძის „მანდარინებმა “ სასწაული მოახდინა და ქვეყანა დადებითი ენერგიით დამუხტა. ოქროს გლობუსის შემდეგ ოსკარის გაჟღერებამ ის პოზიტივი მოგვიტანა, რომელიც ასე ძალიან გვჭირდებოდა.
ამერიკის კინოაკადემიის გადაწყვეტილებით, ზაზა ურუშაძის „მანდარინები“ უცხოენოვანი ფილმის კატეგორიაში ნომინანტებს შორისაა. ფილმი ესტონეთმა წარადგინა.
გავგიჟდები კიდევ !!!!!!!)))) ვულოცავ ჩემ არაჩვეულებრივ ჯგუფის წევრებს! ვულოცავ ქართულ კინოს! - წერს ზაზა ურუშაძე ფეისბუქის პირად გვერდზე.
„ეს ის მომენტია, როცა უნდა გაგიჟდე, ზაზა! :))) ჩვენც გავგიჟდით“! )) - ამოიკითხავთ კომენტარში.

ოსკარის 87-ე დაჯილდოვების ცერემონიაზე ამავე კატეგორიაში წარდგენილია ფილმი „ლევიათანი" რუსეთიდან, რომელმაც უკვე მოიპოვა გამარჯვება "ოქროს გლობუსის" დაჯილდოვებაზე. ნომინანტებს შორისაა ფილმები "იდა" (პოლონეთი), "ტიმბუქტუ" (მავრიკია) და "Wild Tales" (არგენტინა).
ავტორი: დეა თავბერიძე