თბილისის მუნიციპალიტეტის საკრებულო ჯანდაცვის სამინისტროს აქციას “ერთად დავამარცხოთ C ჰეპატიტი”უერთდება.

მთავრობისა და ჯანდაცვის სამინისტროს აქციას "ერთად დავამარცხოთ C ჰეპატიტი" დედაქალაქის საკრებულოც შეუერთდა.

საკრებულოს თავმჯდომარის გიორგი ალიბეგაშვილის განცხადებით, C ჰეპატიტის წინააღმდეგ ბრძოლაში თითოეული ადამიანის მონაწილეობა და მსგავსი საზოგადოებრივი აქტივობები ძალიან მნიშვნელოვანია , მისი თქმით საკრებულოს დეპუტატები და აპარატის თანამშრომლებიც აღნიშნულ აქციას უერთდებიან და მაქსიმალურად ჩაერთვებიან ყველა მნიშვნელოვან აქტივობაში .

ჯანმრთელობის დაცვისა და სოციალურ საკითხთა კომისიის თავმჯდომარე ირაკლი ფავლენიშვილი მიიჩნევს , რომ ყურადღება უნდა გამახვილეს ამ საკითხთან დაკავშირებით საზოგადოების ჩართულობაზე და ინფორმირებულობის დონის გაზრდაზე. –„გარდა იმისა, რომ C ვირუსი განკურნებადი გახლავთ, იგი მოითხოვს ხანგრძლივ და ძვირადღირებულ მკურნალობას. დაგვიანებულ შემთხვევებში ზოგჯერ მკურნალობა არა ეფექტურია. აქედან გამომდინარე, უმნიშვნელოვანესია დროული დიაგნოსტიკა, ეს ფაქტორი საკრებულომ და მერიამ გაითვალისწინა კერძოდ, წლევანდელ ბიუჯეტში უკვე ჩადებულია მილიონ ოთხასი ათასი ლარი, რომელიც დაავადების დროულ გამოვლენილას და შემდგ მკურნალობის სწორი ტაქტიკის განსაზღვრას მოხმარდება, რაც მკურნალობის შედეგის ეფექტიანობას გაზრდის. ასევე, უმნიშვნელოვანესია პრევენციული ღონისძიებები და საზოგადოების მაქსიმალური ინფორმირება C ჰეპატიტის თაობაზე. აქედან გამომდინარე, ყველა ჩვენთაგანი უნდა შევუერთდეთ ამ აქციაც რათა ერთობლივად დავამარცხოთ 21 საუკუნის ერთ-ერთი ისეთი ყველაზე საშიში დავავადება როგორიც C ჰეპატიტია.

საქართველოს მთავრობის გადაწყვეტილებით, უმნიშვნელოვანესი პროექტი თებერვლის დასაწყისში დაიწყება. მისი მიზანია მიზნობრივი ჯგუფებისთვის არა მხოლოდ მედიკამენტის მიწოდება, არამედ სწორი დიაგნოსტიკა-მკურნალობა, რაც პირველ რიგში, დაავადების პრევენციას, დაავედებულთა სამკურნალო მედიკამენტით უზრუნველყოფასა და სერვისების მაქსიმალურად მაღალი ხარისხით მიწოდებას გულისხმობს.

საქართველოს პრემიერ-მინისტრის ირაკლი ღარიბაშვილის გადაწყვეტილებით, 2015 წელი C ჰეპატიტთან ბრძოლის წლად გამოცხადდა.