თაზო ხუციშვილი: "ბუდაპეშტის“ მშენებლობაზე – ყველა ხერხს ხმარობენ, რომ ხელი შეუშალონ რაღაც წამოწყებას

საზოგადოება - 13:16, 15 Jan, 2015

2906

სასტუმრო „ბუდაპეშტის“ მშენებლობის ირგვლივ ატეხილ ხმაურს მხატვარი თაზო ხუციშვილიც ეხმაურება და იმ დროს იხსნებს, როდესაც ამავე ტერიტორიაზე რესტორანი „ბუდაპეშტი“ ფუნქციონირებდა. ცნობილი მხატვარი აღნიშნავს, რომ ეს ტერიტორია მაშინაც გამოყიოფილი იყო ვაკის პარკიდან და მას კუს ტბის მხრიდან დამოუკიდებელი სამანქანო გზა ემსახურებოდა.

თაზო ხუციშვილი ცნობილი მხატვარი:

„რესტორანი „ბუდაპეშტი“ ცნობილი ადგილი იყო თბილისში. ჩვენც ხშირად ვსტუმრობდით იქაურობას. იქ ოდითგანვე იყო კუს ტბის მხარეს სამანქანო გზა გაკეთებული. რესტორანს კიდევ რაღაც სათავსო ჰქონდა გვერდზე. გასაკცვირი არ არის, რომ ბევრს აღარ ახსოვს რა იყო და როგორც იყოს. ალბათ აქაც ისეთივე ამბავია, როგორც ყველა მშენებლობაზე, რატომ აშენდა ამ სიმაღლე და ა.შ. ყველა ხერხს ხმარობენ, რომ ხელი შეუშალონ რაღაც წამოწყებას.
თბილისის იყო ულამაზესი ქალაქი, იქ რომ რესტორანი იყო ეს ფაქტია. იქ შეიძლება რაღაც ახალის აშენება, პროექტი უნდა გამოიტანონ, რომ საზოგადოებამ ნახოს ყველაგფერი და დაწყნარდნენ. მე პირადად არავითარი პრეტენზია არ მაქვს რომ იქ აშენდეს ახალი შენობა. თუ იქ არაფერი არ მოიჭრება, რატომ არ უნდა აშენდეს“.