RIXOS BORJOMI - საპარტნიორო ფონდისა და "ყაზმუნსგაზის" ერთობლივი პროექტი

ბიზნესი & ეკონომიკა - 19:42, 14 Jan, 2015

3542

საპარტნიორო ფონდმა და ყაზახურმა კომპანიამ "ყაზმუნსგაზმა" ერთობლივი პროექტი "რიქსოს ბორჯომი" გახსნა. ხუთვარსკვლავიანი უმაღლესი კლასის სასტუმრო კომპლექსი ლიკანში, ე.წ IV სამმართველოს სახელით ცნობილ ტერიტორიაზე მდებარეობს.
"ტურისტულ ბაზარზე დაბრუნდა კურორტი, რომელიც პოპულარული და ერთ-ერთი გამორჩეული დასასვენებელი ადგილი იყო, სასტუმრო შექმნის ახალ სამუშაო ადგილებს და რეგიონის ეკონომიკურ-კულტურულ ცხოვრებას გამოაცოცხლებს,"- ასე განაცხადა სასტუმროს გახსნის საზეიმო ცერემონიაზე საპარტნიორო ფონდის აღმასრულებელმა დირექტორმა ირაკლი კოვზანაძემ.
საასტუმროში 151 ნომერია-სტანდარტული ლუქსის და საპრეზიდენტო. კომპლექსი აერთიანებს რესტორანს, კაფე-ბარებს, საკონფერენციო დარბაზებს, გოლფის და ფეხბურთის სათამაშო მოედნებს, სპა ცენტრს, საცურაო აუზს, ბავშვთა გასართობ ცენტრ "რიქსი ქლაბს" და დამხმარე ნაგებობებს. სასტუმროს ოპერირებას სასტუმროების ცნობილი ქსელი "რიქსოსი" განახორციელებს, რომელიც ამ პროექტით პირველად შემოვიდა საქართველოშიკომპლექსი აშენდა საპარტნიორო ფონდის და ყაზახური კომპანია "ყაზმუნსგაზის" ერთობლივი ინვესტიციით.
პროექტის ჯამური ღირებულება 48 მილიონი აშშ დოლარია. საპარტნიორო ფონდის თანამონაწილეობა პროექტში კაპიტალის 50%-ია. სასტუმროს მშენებლობა 2006 წელს დაიწყო. ფინანსური სტრუქტურის არ არსებობის გამო 2012 წლის მეორე ნახევრისთვის სამშენებლო პროცესი თითქმის შეჩერებული იყო. 2013 წლის გაზაფხულზე საპარტნიორო ფონდის მენეჯმენტმა ყაზახურ მხარესთან მოლაპარაკება განაახლა. ფონდმა მოახერხა ახალი შეთანხმების მიღწევა პროექტის კონცეფციის დახვეწის, მისი მასშტაბის სრულყოფისა და შესაბამისი დაფინანსების მოპოვების თაობაზე.
ფონდის შესახებ: სააქციო საზოგადოება საპარტნიორო ფონდი საქართველოს მთავრობის მირ 2011 წელს დაარსდა. სახელმწიფო ფლობს ფონდის 100%-ს. საპარტნიორო ფონდის აქტივები 5 მილიარდ ლარს აჭარბებს. ფონდი ფლობს "საქართველოს რკინიგზის". საქართველოს ნავთობის და გაზის კორპორაციის", "საქართველოს სახელმწიფო ელექტროსისტემის", და ნაწილობრივ "თელასის" აქციებს, ფონდის ეერთ-ერთი მთავარი ამოცანაა საინვესტიციო მიმართულებებთან ერთად, ამ სახელმწიფო სტრატეგიული აქციების სწორი კორპორატიული მართვა.