თბილისში ელბაქიძის აღმართზე საავტომობილო მოძრაობა 2-3 თვით აიკრძალება. ამის შესახებ თბილისის მერმა დავით ნარმანიამ განაცხადა, რომელიც ინციდენტის ადგილას მივიდა.

მისი თქმით, ამ დროის განმავლობაში აღდგენითი სამუშაოები იწარმოებს.

"2-3 თვის განმავლობაში აღნიშნულ მონაკვეთზე გადაადგილება აიკრძალება და დაიწყება აღდგენითი სამუშაოები. პარალელურ რეჟიმში მოხდება ფაქტის გამოძიება," - აცხადებს დავით ნარმანია.

ელბაქიძის აღმართზე გზის მონაკვეთი ჩამოინგრა. შემთხვევის შედეგად საავტომობილო გზის მარჯვენა სავალი ნაწილი დაზიანდა, რის გამოც ავტომანქანების მოძრაობა ქუჩის ორივე მხარეს აკრძალულია.