„ბიძინა ივანიშვილი კარგა ხანია „ეჩალიჩება“ უსუფაშვილს, რომ იგი „რესპუბლიკურ პარტიას“ და ძმებ ბერძენიშვილებს გაემიჯნოს. ამის შესახებ გაზეთი „ასავალ-დასავალი“ წერს.

გამოცემის ინფორმაციით, უსუფაშვილის ივანიშვილის შეთაბაზებას არ თანხმდება.

„2014 წლის 27 დეკემბერს- საპარლამენტო უმრავლესობის წევრები ბიძინა ივანიშვილს რესტორან „ბაგრატიონში“ შეხვდნენ... სწორედ ამ ბანკეტზე ბიძინა ივანიშვილს დავით უსუფაშვილისათვის უთქვამს: - დათო კარგად იცი, რომ შენ ჩემი ფავორიტი იყავი, მაგრამ ამ ბოლო დროს ეს ასე აღარ არისო. ბიძინა ივანიშვილის რეპლიკისთვის დავით უსუფაშვილს ასე უპასუხია - ბატონო ბიძინა, არ მინდა, რომ როდესმე რამეში შეცდეთ, მაგრამ ძალიან მინდა, რომ რაც ახლა თქვით, იმაში ცდებოდეთო.

ივანიშვილს, უსუფაშვილისთვის, ნართაულად ისიც უთქვამს - შენ და შენმა მეუღლემ დროზე გადაწყვიტეთ ბერძენიშვილებთან რჩებით თუ ჩემთან ყოფნა გინდათო, თუ არადა უთქვენოდაც კარგად გავალ ფონსო“, - წერს გაზეთი „ასავალ-დასავალი“.