ეკონომიკის მინისტრის პირველი მოადგილის დიმიტრი ქუმსიაშვილის ინფორმაციით, ბათუმის ტექნოლოგიური უნივერსიტეტი აუქციონზე იქნება გატანილი.

მისი თქმით, ამას ეკონომიკის სამინისტროსა და ორ ინვესტორს შორის გაფორმებული ხელშეკრულება ითვალისწინებს.

„ეკონომიკისასამინისტროსა და ორ ინვესტორს შორის გაფორმებულია ურთიერთგაგების მემორანდუმი, რომლის თანახმად ჩვენ გვაქვს ვალდებულება, რომ აღნიშნული ქონება აუქციონზე გავიტანოთ. რაც შეეხება საწყის ფასს, ჩვენ შეგვიძლია ვისაუბროთ მხოლოდ იმაზე, რაც ინვესტორმა შემოგვთავაზე და მათი შემოთავაზებული ფასია 25 მლნ აშშ დოლარის ექვივალენტი ლარში. ამ ეტაპზე ქონების შეფასება მიმდინარებს და ამის შემდეგ ჩამოვყალიბდებით ყველაფერზე. ჩვენ გვყავს კონკრეტული ინვესტორები და გვაქვს კონრეტული შემოთავაზებები. მიგვაჩნია, რომ ბათუმში ერთი კარგი სასტუმროს არსებობა ძალიან კარგი მიმართულებაა. აღნიშნულთან დაკავშირებით მედიას დამატებით ინფორმაციას მოგვიანებით მივაწვდით", - განაცხადა ქუმსიშვილმა.