„რეიტინგების მიხედვით, რომელიც მე მომაწოდეს, აღმოჩნდა, რომ მე ვარ მამაკაცი, რომლის შესახებაც 2014 წელს საქართველოს მასშტაბით ყველაზე მეტს საუბრობდნენ. ვაი, ჩემს თავს უბედურს,“ - წერს „ფეისბუქის“ პირად გვერდზე ია ფარულავას ვირტუოზი ტარიელ სუარი.

ვირტუოზობის მიუხედავად საზოგადოებამ ტარიელი ია ფარულავას მეშვეობით გაიცნო. იას მოსიყვარულე „კავალერი“, რამდენიმე ხანში ბედნიერ მეუღლედ, მერე კი ეჭვიან და სკანდალურ მეამბოხედ იქცა...

კატით დაწყებული და მიშა პარიკმახერით გაგრძელებული ეჭვიანობა, მოგვიანებით მინების მსხვრევითა და პროკურატურაში ვიზიტით დასრულდა, ამ ვიზიტთან დაკავშირებით ცოლ-ქმარმა განსხვავებული ახსნა- განმარტებები გააკეთეს.

ასეა თუ ისე ამ ხმაურიანი ისტორიების შემდეგ, როგორც სოციალურ ქსელში ამბობენ „იას ვირტუოზი ტარიელი სუარი პირველ ადგილს ნამდვილად იმსახურებს“...

საქართველოში ყველაზე პოპულარული მამაკაცის ტიტული გიტარისტს ახალი წლის წინა დღეებში ჩატარებული გამოკითხვის შედეგად მიანიჭეს.