რისი დათმობა მოუხდა ეკა ხოფერიას მეუღლის გამო

საზოგადოება - 11:27, 10 Jan, 2015

5595

ეკა ხოფერია მეუღლესთან ერთად არაბეთის გაერთიანებულ საემიროებში ისვენებს და თითქმის ყოველი დღის სიახლეებს „ფეისბუქის“ მეშვეობით მეგობრებს უზიარებს. ქმარზე უზომოდ შეყვარებული ტელეწამყვანის სასაუბრო თემა ძირითადად თავისივე მეუღლეა. რამდენიმე დღის წინ მიშას ახალი სათვალეების შესახებ წერდა:
„ან ძალიან უხდება ეს სათვალე და ან უბრალოდ მომწონს ეს ბიჭი))) დღეს იყიდა სათვალე და გადარეულია, ეს რა მაგარი ხარისხის ტელეფონი მქონიაო, ყველაფერს ვხედავო“.
ამჯერად კი მეგობრებს აუწყა თუ როგორ დარჩა მიშკას გამო, საუზმის , ყავისა და იოგურტის გარეშე. ტელეწამყვანმა რვა წლის წინანდელი ისტორიაც გაიხსენა.
ეკა ხოფერია: „საუზმე მიყვარს ძალიან. განსაკუთრებით სასტუმროში. მიშკას ნაკლებად. ერთხელ სასტუმროში მიშკა მთელი ალიაქოთით გავაღვიძე, სასწრაფოდ გაიღვიძე, საუზმეს გამოვტოვებთ-მეთქი. მერე როგორც ახლადდაქორწინებულებს ჩვევიათ, ვიჩხუბეთ. მეწყინა, აღფრთოვანებით როგორ არ შეხვდა ჩემს მოქმედებას. გავიდა 8 წელი. გუშინ შევთანხმდით, რომ დღეს საუზმეს არ გამოვტოვებდით. 11-ია დავაგვიანეთ. მე აღარ ვაღვიძებ, გაბრაზების ნაცვლად სისულელეებს ვპოსტავ) თანაცხოვრების 8 წელი ესაა. როგორც გვარიგებენ ხოლმე, რაღაცა შენ უნდა დათმო, რაღაცა-მან. მე დავთმე ჩემი საუზმე“...