ლანჩხუთის უფასო სასადილოს 60 ბენეფიციარის კვება კვლავ კითხვის ნიშნის ქვეშ დგას

საზოგადოება - 19:07, 09 Jan, 2015

2025

დღეს ლანჩხუთის უფასო სასადილოში ბენეფიციარები, სასადილოს ადმინისტრაციამ, კერძო შემოწირულობების ხარჯზე გამოკვება, რა იქნება ხვალ, არავინ იცის, დაწესებულებაში ტენდერის შედეგებს ელოდებიან და თავისთავად ვინ იქნება საკვების შემტანი კომპანია, ლანჩხუთის უფასო სასადილოში, ჯერჯერობით უცნობია.

ამის შესახებ "გურიის მოამბეს" ლანჩხუთიდან აცნობეს.

წყაროს ცნობით, ადგილობრივი ხელისუფლების შიდა წრეებში, ამ გაუგებრობას, საკრებულოს მიერ, ადგილობრივი ბიუჯეტის გვიან დამტკიცებით ხსნიან.

ტენდერის შედეგები ორ კვირაში გახდება ცნობილი, როგორ გამოკვებავენ ბენეფიციარებს მანამდე, ჯერჯერობით უცნობია.

ბენეფიციარები ადმინისტრაციამ კვების გარეშე ახალი წლის დღეებში დატოვა.

ადმინისტრაციამ შეჭირვებულებს აცნობა, რომ მუშაობას 20 დღით წყვეტდა, ტენდერის შედეგების გამოცხადებამდე.

კვება, ისიც ნაწილობრივ, და ისიც საქმეში ადგილობრივი მედიის ჩარევის შემდეგ, უფასო სასადილოს ბენეფიციარებს 8 იანვარს განუახლეს.

ადგილობრივი ხელისუფლების განცხადებით, 8 იანვარსვე, უფასო სასადილოს დირექტორი ლოლიტა ურუშაძე სამსახურიდან განთავისუფლდა, მის ნაცვლად შოთა ფირცხალაიშვილი დაინიშნა და კვებაც აღდგა.

თუმცა ირკვევა, რომ კვება, ისიც დროებით, ადგილობრივი პირების შემოწირულობების ხარჯზე აღდგა და უფასო სასადილოში კვლავაც ტენდერს ელოდებიან.

წყარო: გურიის მოამბე