შაშკინი სანიკიძეს სიცრუეში ადანაშაულებს და ამის დამადასტურებელ მასალას აქვეყნებს

საზოგადოება - 17:29, 09 Jan, 2015

3347

განათლების ყოფილი მინისტრი დიმიტრი შაშკინი განათლების მინისტრს თამარ სანიკიძეს სიცრუეში ადანაშაულებს. შაშკინი ქუთაისის ჟვანიას სახელობის ადმინისტრირების სკოლაზე საუბრობს, რომელიც დღევანდელი სამინისტროს ხელმძღვანელობის განცხადებით, ბოლო 4 წლის განმავლობაში გაჩერებული იყო. ამის შესახებ დიმიტი შაშკინი ,,ფეისბუქის“ გვერდზე წერს და საკუთარ პოსტს მისი მინიტრობის პერიოდში გახსნილ სხვადასხვა სგანმანათლებლო დწესებულებებისა და მათ შორის ჟვანიას სახელობის ადმინისტრირების სკოლის ფუნქციონირების შესახებ მედიაში გავრცელებული მასალის ბმულებსაც ურთავს.

,,იმის შემდეგ, რაც შარშან განათლების სამინისტრომ დაარიგა ბროშურები, სადაც საუბარი იყო ახალი ხელისუფლების “წარმატებებზე” პროფესიულ განათლებაში, სურათებზე კი იყო ჩემი მოადგილე და მიხეილ სააკაშვილის პრეზიდენტობის დროს აშენებული და გახსნილი პროფესიული კოლეჯები, მე მეგონა, რომ უკვე ვერ გამაკვირვებდა მავნებელი სანიკიძე.

მაგრამ, გუშინ ინტერნეტში წავიკითხე, რომ თურმე ბოლო 4 წლის განმავლობაში ჟვანიას სახელობის ქუთაისის ადმინისტრირების სკოლა იყო გაჩერებული და ახლა აამუშავებს მას სამინისტრო, თან შარშან 8 რეგიონალური წარმომადგენლობა გახსნეს. ეს რომ წავიკითხე "გამოვშტერდი". როგორც ჩანს, სერიოზული პრობლემა გვაქვს- ან არც განათლების მინისტრმა და არც მისმა “დაქალოჩკება”-მოადგილეება არ იციან მათემატიკა, ან ჯგუფური ამნეზია სჭირთ ან ძალიან უნამუსოები არიან.

ეს სკოლა ბოლო 2 წელი დაპაუზებულია, ასევე როგორც მთელი საქართველო. ვინმემ არაობიექტურობა რომ არ დამაბრალოს, ქვემოთ არის მითითებული ლინკები რომელზეც არის ვიდეო და ფოტო მასალა თუ როგორ მუშაობდა ეს სკოლა 2012 წლამდე და როგორ იხსნებოდა მისი რეგიონალური წარმომადგენლობები.

მე მგონი ამ ხალხმა ქვეყანა ხომ “დააპაუზა” მაგრამ თვითონაც მეოცე საუკუნეში “დაპაუზდნენ”, როდესაც ინტერნეტი არ იყო და ტყუილს ასე ადვილად ვერ გადაამოწმებდი. ან მართლა საქართველო ჩრდილო კორეა ხომ არ ჰგონიათ, სადაც მოსახლეობას ატყუებენ, რომ მსოფლიო ჩემპიონები არიან ფეხბურთში და ფინალში ბრაზილია დაამარცხეს“ - წერს შაშკინი.