დიდთოვლობისა და მწყობრიდან გამოსული საბაგიროს მიუხედავად ტურისტები წამოსვლას არ ჩქარობენ.

ინფორმაციას ტურიზმის ადმინისტრაცია ავრცელებს.

მათი ინფორმაციით, დამსვენებლების რაოდენობა სვანეთში არ იკლებს . საბაგიროს აღდგენამდე კურორტის ადმინისტრაცია მათ ტრანსპორტირების ალტერნატიულ საშუალებას სთავაზობს- დამსვებელები ზურულდზე თოვლის სატკეპნი მაქნანებით აჰყავთ. ,,მესტია რეზორტსის’’ დირექტორის მალხაზ უდესიანის განცხადებით ხარვეზი ძაბვის ვარდნამ გამოიწვია, რეაბილიტაცია დაწყებულია და უახლოეს დღეებში საბაგირო აღდგება. რაც შეეხება გზებს, გაწმენდითი სამუშაოები ინტენსიურად მიმდინარეობს და ამ დროისთვის ზუგდიდი - ჯვარი მესტიის ცენტრალური გზის მონაკვეთზე გადაადგილება შეფერხების გარეშეა შესაძლებელი.