„მეგობრებო, მე და გვანცა ჯიშკარიანს გვიბარებს ორთაჭალის პოლიციის უფროსი, იურისტთან გვინდაკონსულტაცია და მოხალისე იურისტი, ვინც გამოგვყვება, ვინმე თუ არის მსურველი? - ამ განცხადებას მარიამ ნატროშვილის ფეისბუქგვერდზე ამოიკითხავთ.

პოლიციის უფროსთან დაბარების მიზეზად საპატრიარქოს წინ გაკეთებული წარწერა სახელდება.

„მიზეზი? – 25 000 000 -ია“ - წერს მარიამ ნატროშვილი. მის მიერ შესრულებულ გრაფიტს თბილისის ქუჩებში უხვად ნახავთ, თუმცა ხალხს და როგორც ჩანს პოლიციასაც მხოლოდ საპატრიარქოს წინ დაწერილი 25 000 000 დაამახსოვრდა.

„სამი წელია ქუჩაში ვწერთ და ეხლა გაიღვიძეს ტიპებმა... ციურიხში რომ დაგვიჭირესჯარიმაც არ გადაგაგვახდევინეს, ოღონდ არტისტები იყავით კარგადო :))))
აქ მთლა უფროსების სუნი მცემს და ალბათ უიურისტოდ მისვლა არ ღირს, - წერს „არტ-პროვოლატორი“.

რამდენიმე დღის წინ კი პატრიარქის დაბადების დღესა და 25 000000 -თან დაკავშირებით მარიამის „ფეისბუქზე“ ამ სახის სტატუსიც გაჩნდა.

„პატრიარქს კიდევ ერთხელ ვულოცავთ დაბ. დღეს, ვუსურვებთ ჯანმრთელობას, ბედნიერებას, ბევრ ფულს. სრულიად საქართველოს სახელით გადავცემთ 25 მილიონიან ჩეკსეროვნულ ვალუტაში და მის უწმინდესობასაც და ჩვენს თავსაც ვახსენებთ რომ ჩვენი ჯიბიდან კიდევ ერთხელ და არა უკანასკნელად იხარჯება მილიონები სრულიად არა მიზნობრივად.გილოცავთ!!!!

— Cvanci Jishkariani-(ს)თან ერთად საპატრიარქო-ში(ზე)“

საქართველოს კათოლიკოს-პატრიარქის ილია მეორის განცხადებით კი - ის თანხა, რომლითაც ეკლესია სახელმწიფოსგან ფინანსდება, სასულიერო პირების ხელფასებზე არნაწილდება. ამის შესახებ პატრიარქმა "საზოგადოებრივი მაუწყებლის" ეთერში, ოლიკო ბაბლუანის საავტორო გადაცემაში "მშვიდობით იარაღო" განაცხადა.

"მე ერთი რამ მინდა ვთქვა – ის, რასაც სახელმწიფო ეკლესიას აძლევს, მთლიანად ნაწილდება სასწავლებლებზე. მარტო 40-მდე საშუალო სკოლაა, თავისი ხელფასებით, მთელი ხარჯებით. უნივერსიტეტებია, ბავშვთა სახლები, მოხუცებულთა სახლები. ის დახმარება, რომელსაც სახელმწიფო გვაძლევს, თითქმის ნახევარსაც არ ჰყოფნის და ვცდილობთ ვიშოვოთ ან ვიღაც შემოგვწირავს და ამას ვუმატებთ. ეს არ ნაწილდება სამღვდელოებაზე. არავითარ ხელაფსებს არ ღებულობენ აქედან", - განაცხადა პატრიარქმა.