საქართველო-სომხეთის საზღვარზე მესაზღვრეებს და მძღოლებს შორის სიტყვიერი დაპირისპირება მოხდა. მგზავრების პროტესტი იმ ფაქტმა გამოიწვია, რომ უკვე მესამე დღეა საზღვრის გადაკვეთას ვერ ახერხებენ.

ისინი გზის გაგრძელების ნებართვას ითხოვდნენ. საზღვარზე გაჩერებული მოქალაქეების ინფორმაციით, გზა გაწმენდილია თუმცა სამართალდამცველები მათ გასვლის უფლებას არ აძლევენ.

ოფიციალური უწყებების განმარტებით, აღნიშნულ მონაკვეთზე კვლავ ქარბუქია და გადაადგილება საფრთხეს წარმოადგენს. ჯერჯერობით უცნობია, თუ როდის აღდგება საქართველო-სომხეთის დამაკავშირებელ გზაზე საავტომობილო მიმოსვლა.