„ღმერთი რასაც გვაჩუქებს ის გვინდა ჩვენ მამებს, ხანდახან გვინდა სქესი გამოვიცნოთ, მაგრამ, მერე უკვე მნიშვნელობა აღარა აქვს“, - ამბობს „ნიუპოსტთან“ შალვა რამიშვილი.

ტელეწამყვანი რამდენიმე დღის წინ მეოთხე შვილის მამა გახდა. სამი ვაჟის მამამ ამჯერადაც ძეობა იზეიმა. პატარას სახელი თავადვე შეურჩია. ალექსანდრე 30 დეკემბერს გაჩნდა. „ნიუპოსტთან“ ხუმრობს ეს სახელი მაკედონელის საპატივცემულოდ დავარქვიო.

„მოფერებით ანდრიას ვეძახით, მშვიდი და ძალიან საყვარელი ტიპაჟია“, - განაცხადა შოუმენმა.

შალვა რამიშვილმა და ხატია ეკიზაშვილმა ჯვარი გასულ წელს დაიწერეს. ალექსანდრე ხატიას პირველი შვილია.