იტალიაში გარდაცვლილი 51 წლის ლალი ნამჩევაძის ოჯახი ხელისუფლებისგან დახმარებას ითხოვს.

თერჯოლის მუნიციპალიტეტის სოფელ ჭოგნარში მცხოვრები ნამჩევაძის მეუღლე დემურ შანიძე ხელისუფლებას სთხოვს, რომ დნმ-ის ანალიზისა და ექსპერტიზის დასრულების შემდეგ, ოჯახს იტალიიდან ცხედრის საქართველოში გადმოსვენებაში დაეხმარნონ.

მისი თქმით, აღნიშნული პროცედურა დაახლოებით 4 000 ევრო ჯდება, რისი საშუალებაც ოჯახს არ გააჩნია.

ლალი ნამჩევაძე 2014 წლის 12 თებერვლის შემდეგ უგზო-უკვლოდ დაკარგულად ითვლებოდა. 2015 წლის 1 იანვარს ქალაქ ფლორენციასთან 5 მეტრის სიღრმის ჭაში ქალის გვამი იპოვეს. პირველადი ინფორმაციით, გვამი ლალი ნამჩევაძეს ეკუთვნის.