მოსახლეობის აღწერისა და დემოგრაფიის სამსახურის უფროსის, პაატა შავიშვილის ინფორმაციით, საქართველოში მოსახლეობის შემცირების ტენდენცია შეინიშნება.

ამის შესახებ შავიშვილმა გაზეთ "კვირის პალიტრასთან" ინტერვიუში განაცხადა.

მისი თქმით, საქართველოს მოსახლეობა 2002 წელთან შედარებით შემცირებულია.

"დავითვალეთ მოსახლეობის რაოდენობა სოფლის დონეზე, სქესობრივი და ასაკობრივი სხვაობის მიხედვით, რამდენი გვყავს 15 წელზე უმცროსი ან 65 წელზე უფროსი ასაკის. ბევრი ექსპერტი და მათ შორის, გაეროს წარმომადგენლებიც, ამტკიცებენ, რომ საქართველოს მოსახლეობა დაბერებისკენ მიდის. აღწერა გვიჩვენებს, რამდენად რეალურია ეს საფრთხე. მოსახლეობას ვითვლიდით ეროვნული წარმოშობის, რეგიონების, რაიონებიც მცხოვრებლების დონეზე, განათლების დონის მიხედვით – რამდენს აქვს უმაღლესი განათლება, რამდენია წერა-კითხვის მცოდნე. აქამდე საქართველოს ლიდერი იყო წერა-კითხვის მცოდნეთა რაოდენობის მიხედვით და გვაინტერესებს, ვინარჩუნებთ თუ არა ამ პოზიციას... ვიკვლეთ, რამდენ მოქალაქეს აქვს პროფესიული ტექნიკური განათლება, რამდენი შშმ პირი ცხოვრობს საქართველოში", - განაცხადა შავიშვილმა.