ნათია ფანჯიკიძე: „ხალხო! წუხანდელი ნაბახუსევი არ გეგონოთ“

საზოგადოება - 20:57, 01 Jan, 2015

7914

„ხალხო!!! წუხანდელი ნაბახუსევი არ გეგონოთ, ორი სუფრის კოვზის მეტი არ დამილევია“,- წერს „ფეისბუქის“ პირად გვერდზე ნათია ფანჯიკიძე და სიყვარულით სავსე სტატუსს აქვეყნებს. „ფეისბუქზევე“ გამოქვეყნებულ საახალწლოდ გამოწყობილ ფოტოს კი ასე ასათაურებს:„სანტა ნიკოლაუსის დაქალი თავწიწვა“...
ნათია ფანჯიკიძე: „თავისით მემართება ჩუყები პერიოდულად, - ფუმფულებო და უსაყვარლესებო (ბეკეკობის გავლენაა, კილოგრამები არ გადათვალოთ), ბედნიერი ვარ, რომ ერთ ქვეყანაში დავიბადეთ, ჩიტოსნები, ჩიტირეკიები, კუდრაჭები, შერეკილები, ჭკვიანები, კეთილები და ყველაზე ტკბილები.
ცუკერბერგმა გაიხაროს, ამდენ საოცარ, ღირსეულ ადამიანს რომ გხედავთ, გგრძნობთ, ვისაც შეიძლება ამ პატარა ქვეყანაში ისე გვეცხოვრა, შემთხვევითაც არ შევფეთებოდით ერთმანეთს. ხოდა, არავითარი შემთხვევითობა არაა, რომ ჩვენ საუკუნეებს გადავურჩით. ძალიან მაგრები ვართ, კარგიანები ვართ და იმიტომაც გადავურჩით და ამიტომაც სულ ვიქნებით.
ზუსტად რომ ყველაზე ნიჭიერები ვართ, ყველაზე სწრაფად ვსწავლობთ, ყველაზე ცხელი გულები გვაქვს და მილიონი გაჭირვებით დატვირთულები დავდივართ ათასი უფსკრულის პირზე, სადაც ყველა სხვა აქამდე ასჯერ წაიქცეოდა და მრავალჯერ დაჭრილებიც ჯიუტად მივიკვლევთ გზას.
2015-ს კეთილი გარდატეხები მოეტანოს ყველას ცხოვრებაში, სიყვარულის კულტივირების წელი იყოს ცალცალკე პირადადაც და ერთად ქვეყნისთვის.
ბავშვობაში სტარტი გახსოვთ? - ცეცხლი აინთო, თამაში დაიწყო!
ახალ ბედნიერ, კეთილ ცელქობას გისურვებთ ცხოვრებასთან, სულ წყვილი (ორმაგი შოკოლადი ნაღებით), დაგესვათ ყველა სწორ და კარგ საქმეში და სურვილების ახდენაში!