ერეკლე დეისაძისთვის 2014 წელი შემოქმედებითად დატვირთული და ნაყოფიერი იყო, ეკომ „ნიუპსტთან“ განვლილ წელზე და საახალწლო განწყობაზე ისაუბრა.

„ახალი წელი ჩემთვის პირველ რიგში ახალ იდეებთან და ახალ გეგმებთან ასოცირდება, ჩემთვის ყოველი ახალი წელი თავისებურად ორიგინალურია, მაგრამ დროთა განმავლობაში უფრო მეტ შინაარს იძენს. მახსოვს ის წელი, როდესაც თოვლის ბაბუის არსებობაში ეჭვი შევიტანე, როდესაც ჩემი მშობლები დავინახე იმ საჩუქრებით ხელში, რომელიც 12 საათის მერე თოვლის ბაბუამ მოიტანა, მანდ მივხვდი რომ რაღაც ჩათლახობა ხდებოდა, ამის შემდეგ ეს როლი ჩემს თავზე ავიღე და საკუთარი თავის თოვლის ბაბუა მე თვითონ გავხდი.

ახალ წელს ვჭამ ბევრ გოჭის ხორცს, ადრე ტრადიცია მქონდა და სულ ბათუმში ვხვდებოდი ახალ წელს ბავშვობიდან მოყოლებული, მაგრამ ბოლო ორი წელია ეს ტრადიცია დაირღვა და თბილისში ვხვდები, წელსაც თბილისში მიწევს იმიტომ, რომ კონცერტი მაქვს. ჩემი მთავარი ტრადიცია ის არის, რომ ვცდილობ ყველა ის ადამიანი ვნახო ვინც მიყვარს, ბევრი მიყვარს ამიტომ მეეჭვება დროში ჩავეტიო, რამდენსაც მოვასწრებ იმდენს ვნახავ. ახალ წელს პირველ რიგში საკუთარი თავის განტვირთვა უნდა მოახერხო, რომ ახალი ენერგიით შეეგებო მომავალ წელს და წინა წელთან შედარებით უფრო მეტი გააკეთო.“-ამბობს ერეკლე დეისაძე.

როგორი იყო შენი აზრით 2014 წელი?

ჩემთვის ძალიან ნაყოფიერი იყო, რადგან ბევრი სიმღერა დავწერე, ასევე რომანიც დავასრულე, რომელიც ახლა რედაქტირების პროცესშია და გამომცემლობაში დევს. ყველაზე მოხოდილი ვიყავი ამ წელს, ბევრი საინტერესო და ახალი მეგობარი შევიძინე, ამიტომ მხოლოდ დადებითის თქმა შემიძლია.

რა იყო შენთვის 2014 წლის ყველაზე მნიშვნელოვანი მოვლენა და რატომ??

ჩემი შემოქმედებითი წინსვლა, ამაზე მნიშვნელოვანი ჩემთვის არაფერია.

ვინ არის შენი აზრით 2014 წლის ადამიანი და რატომ?

ნიკუშა წერეთელი, იგივე წერო, ეს ადამიანი მაშველია და უამრავ ადამიანს გაუწია დახმარება, ასეთი ადამიანები რატომღაც მასმედიის ყურადღების მიღმა რჩებიან, მაგრამ ეს არ არის მთავარი, მთავარია რომ ასეთი ადამიანები არსებობენ და კეთილ საქმეებს აკეთებენ.

როგორი გინდათ იყოს 2015 წელი?

მინდა უფრო ნაკლები გაჭრვება იყოს ქვეყანაში, გამოსწორეს სოციალური პრობლემები და ხალხმა უფო მეტი იფიქროს საკუთარ ქვეყანაზე და ერთმანეთზე.

რას ისურვებდით 2015 წელს?

ვისურვებდი რაც ზემოთ ჩამოვთვალე ყველაფერი რეალობად იქცეს, ჩემს თავზე მე ვარ ატვეჩაი, რომ ბევრ კარგ სიმღერას დავწერ და უფრო მეტ ადამიანს შევცვლი უკეთესობისკენ.