მაყურებლის გადაწყვეტილებით ფინალში გიორგი ჩიტაური გადავიდა

საზოგადოება - 00:11, 30 Dec, 2014

3841

„გულის სიღრმეში ვიმედოვნებ, რომ ჩემი „ნიჭიერში“ გამოსვლა შედეგს გამოიღებს. ეს ყველაფერი ისე არ ჩაივლის“ - განუცხადა რამდენიმე კვირის წინ გიორგი ჩიტაურმა „ნიუპოსტს“ . დღევანდელი გამოსვლით კი თამამად შეიძლება ითქვას, რომ გიორგიმ თავისი სიტყვა თქვა და სურვილი რის გამოც ის ამ პროექტში მონაწილეობს ასრულდება.

„ნიჭიერში“ ხალხურ სიმღერასთან და უცნობ მუსიკოსებთან დაკავშირებულმა ტკივილმა მიიყვანა. მათზე ზრუნვა წლებია უკვე, რაც მისი მთავარი საფიქრალია. სწუხს: „სათანადოდ ვერ ვპატრონობთ ამ საგანძურს, სახელმწიფოს მხრიდან არანაირი მხარდაჭერა არა აქვს, მინდა, რომ მთის სიმღერებს და იმ ადამიანებს, რომლებიც ამ საქმეს ემსახურებიან საზოგადოებამ ყურადღება მიაქციოს, ამიტომ ვარ ნიჭიერში“... ბევრს ვეცადე, მაგრამ მათ ვისაც ამ ყველაფერზე ყურადღების მიქცევა ევალება ხმა ვერაფრით მივაწვდინე. იქნებ ასე მაინც შევძლოო.“

ხმას ნამდვილად ბევრს მიაწვდენს. რადგან მისი სიმღერით აღფრთოვანებულებს გიორგი ჩიტაური ასე პასუხობს: „მთებში ბევრია ასეთი... ჩემზე ბევრად ნიჭიერებიც არიან და ბევრად ახალგაზრდებიც“...

ძალიან დახვეწილი იყო ყველაფერი, თქვენ ნამდვილი მუსიკოსი ხართ, ზედმეტს არაფერს აკეთებთ. მადლობა რომ ასე დახვეწილად უდგებით ამ გენიალურ მუსიკას - განაცხადა ჭოლამ. "შენ გაქვს კარგი სმენა, და ძლიან კარგი ხმა, კარგი გარეგნობა და რაც მთავარია, კარგი გემოვნება -ამგვარია ნიკა გვარამიას შეფასება.
ნიკა გვარამია: „ქართული ხალხური სიმღერა არის ის რაც ქართველებს ყველაზე მეტად ძვირფასი გვაქვს და ყველაზე მეტადცუნივერსალური და მსოფლიო რანგის. მისი სესრულება ზომიერად და გემოვნებით არის ძალიან რთული და ძალიან იშვიათად გამოსვლია ვინმესისე, როგორც შენ დღეს... მინდა გითხრა რომ შენ მსოფლიო მოქალაქე ხარ და ისეთი მუსიკა უნდა აკეთო მსოფლიო მუსიკოსები რომ აკეთებენ.“