პროექტ "ცეკვავენ ვარსკვლავების" ერთ-ერთი მონაწილე მსახიობი ზურა გორგაძე და მისი მეწყვილე, სალომე ჭაჭუა ერთ-ერთ ფავორიტ წყვილადაც ითვლებოდნენ. თუმცა, გასულ სამშაბათს ზურამ პროექტი დატოვა.

ზურა პროექტის დატოვების შემდეგ სკანდალურ ინფორმაციას ავრცელებს. მახიობი საკუთარ წარუმატებლობაში გოჩა ჩერტკოვს ადანაშაულებს.

ზურა გორგაძე: „ ბოდიშს ვიხდი იმისთვის, რომ თქვენი მოლოდინი ბოლომდე ვერ გავამართლე, თუმცა ბოდიში მხოლოდ ერთმა ადამიანმა უნდა მოიხადოს ჩემს და თქვენს, საზოგადდოების წინაშე, გუშინ ერთმა სუბიექტმა, სახელად გოჩამ, არამარტო მე, არამედ საზოგადოება ფეხებზე დაიკიდა, ციტირება მისი სიტყვების: "ეს მოსწონს საზოგადოებას, ხალხს, ეს არის მაგარი შოუ, ბრავო!" მაგრამ არ მოსწონდა თავად, ვერ მოინელა სალომე ჭაჭუა, ვერ მოინელა დიმა საშა და ალიონა, ჩვენი არაჩვეულებრივი ქორეოგრაფები, რომლებიც თან გვყვებოდნენ და ყველაფერს აკეთებდნენ პროექტის და მონაწილეების წარმატებისთვის...

ვერ მოინელა მათი კეთილ განწყობა ჩემსა და სალომეს მიმართ, რომლებიც მაინც განაგრძობდნენ ჩვენს დახმარებას... ვერ მოინელა პირდაპირ ეთერში მადლობა ჩემგან, დიმას საშას და ალიონას, რომლებსაც პროექტი უკვე დატოვებული ჰქონდათ... უფრო სწორად პროექტი დაატოვებინეს არა, გოჩამ დაატოვებინა ისევე როგორც მე. პროექტი გოჩამ დამატოვებინა და არა საზოგადოებამ...

მხოლოდ ეს მამშვიდებს და ამავდროულად ძალიან მაღიზიანებს. მათ ვისაც ჰგონია, რომ მხოლოდ სმსები წყვეტს, გეტყვით, რომ ასე არაა ჟიურის დაბალმა ქულამ შესაძლებელია პროექტი დაგატოვებინოს, რამდენი სმს-იც არ უნდა გქონდეს, რაც მოხდა გუშინ... გოჩა! თუ შენი შეფასება სამართლიანი იყო, რატომ დაგჭირდა ლაივის დასრულებისთანავე გაძლიერებული დაცვა და უკანა კარიდან ჩუმად გაპარვა ისე, რომ ვერავინ თვალი ვერ მოგკრა, როგორ აორთქლდი...შეგეშინდა? რის შეგეშინდა, ხელით მაინც არავინ შეგეხებოდა, რადგან მორიგ სიამოვნებას ჩემი, ან ჩემი ახლობლების ციხეში ჯდომით ვეღარ მოგანიჭებდი... ერთ-ორ სალანძღავ სიტყვას კი ნამდვილად მიიღებდი, რაც ისედაც არ გაკლია, ნახევარი საქართველო იგივეს აკეთებს... ეს შესაძლებლობა ჯერ კიდევ ლაივში მქონდა, რაც ნამდვილად გეკუთვნოდა, მაგრამ არ ვაკადრე საზოგადოებას და ტელეკომპანია იმედს!!!"-წერს ზურა სოციალურ ქსელში.

წყარო: http://intermedia.ge/