ხელოვანები პრემიერ-მინისტრს პასუხს სთხოვენ - თავდაცვის მაღალჩინოსანთა საქმე

საზოგადოება - 20:17, 28 Dec, 2014

3281

სასტუმრო მერიოტში შეკრებილი საზოგადოების წარმომადგენლები, ხელოვანები ალასანიას ყოფილი უწყების წარმომადგნელების პატიმრობაში დატოვებას აპროტესტებდნენ. მათ შორის არიან თაკო ჩარკვიანი, ბესო კალანდაძე, ნუგზარ კვაშალი და სხვები.

ხელოვანებმა თავიანთი პროტესტი გადაცემა ,,იმედის კვირაში" გამოხატეს.

,,არ ვიცი რა აუცილებლობას წარმოადგენს ამ ადამიანების ციხეში ყოფნა, ეს მართლაც ეჭვს ბადევს. ასეთი ჯიბრი, როცა არაფერი არ არის გამოძებული, როცა პროკურატურამ ვერაფერი დადო. იქნებ უჭირს პროკურატურას აღიარება იმისა, რომ არაფერი არ აღმოჩნდა. ეს უფრო კარგი ქინეაბ თუ ამას აღიარებენ, გამოდის რომ უკეთესი ვყოფილვართ.

არ მაგონდება არცერთი ხელისუფლება, რომელმაც არ გაუწია ანგარიში საზოგადოების თხოვნას და ამით რამე მოიგო.

ვიტოვებ კონსტიტუციურ უფლებას და პრემიერ მინისტრს ვაკისრებ პასუხისმგებლობას“ - განაცხადა თაკო ჩარკვიანმა და თავის დროზე, წინა ხელისუფლების პირობებში სულხან მოლაშვილის გათავისუფლების მოთხოვნით გაკეთებული ხელმოწერები გაიხსენა, როცა მაშინდელმა ხელისუფლებამ ინეტლიგენციას ,,ჩარეცხილები“ უწოდა. თაკო ჩარკვიანმა პარალელი გაავლო და აღნიშნა, რომ არ შეიძლება საზოგადოების იგნორირება.