ქართველი მეცნიერის მიერ დაწუნებული ნიუ-იორკი

საზოგადოება - 15:04, 28 Dec, 2014

5445

შვეიცარიაში მცხოვრები ქართველი მეცნიერი გიორგი კავკასიძე ნიუ-იორკს მომსახურებას უწუნებს და ამასთან დაკავშირებით სოციალურ ქსელში შემდეგი სახის სტატუსს აქვეყნებს.

გიორგი კავკასიძე: „მეოთხედ თუ მეხუთედ ვარ ნიუ იორკში, ყოველთვის ბიზნესის გამო და როგორც წესი ასეთი მარშრუტი მქონდა აეროპორტი-სასტუმრო-ოფისი/მოლაპარაკება-სადილი-სასტუმრო და ისევ აეროპორტი. პირველად ჩამოვედი მთელ ოჯახთან ერთად საშობაო არდაგდაგებზე და ყოველ დღე ვჩხუბობთ...ჯერ იყო და სასტუმროში (Hilton Midtown) - დიდი ბოდიში, თქვენი ნომერი გავყიდეთ რადგან არ გამოჩნდითო (საღამოა 9.30) ამიტომ ერთი ღამით პატარა ნომერში უნდა დაიძინოთო (9 საათის ფრენისა და 3 საათიანი ტაქსით "კატაობის" შემდეგ). თეამ იფეთქა და დიდი ჩხუბისა და მენეჯერების გამოძახების შემდეგ - ამ ღამის ფულს გამოგიქვითავთო. დღეს ჰელიკოპტერ ტური გვქონდა ორის ნახევარზე, გაგვაფრთხილეს 1 საათზე ადგილზე იყავითო. ჩვენ რომ არ დაგვეგვიანა 12-30 ადგილზე ვიყავით. რომელ საათზე გავფრინდით? - 3 საათზე, ისიც დიდი ჩხუბისა და დავიდარაბის შემდეგ, თორემ ალბათ 5 საათამდე გვაყურყუტებდნენ.

გუშინ თეა და ელეონორა არაჩვეულებრივ მიუზიკლზე იყვნენ ("მატილდა") მაგრამ ბავშვი ტუალეტში ძლივს მოხვდა, რადგან მთელ თეატრზე მხოლოდ 2 კაბინა ყოფილა განსაზღვრული, ამიტომ მეორე განყოფილებაზე დააგვიანეს
დღეს ბიგ ეპლ ცირკის ბილეთებს ვყიდულობდით. სასტუმროს კონსიერჟმა ჯერ დეკემბერში წარმოდგენები არ აქვთო, მერე თეამ რეკლამა რომ აჩვენა - უი ქონიათ, ეხლავე გავიგებო და 3 წუთში თეას თითო ბილეთს 200$ "ტენიდა". ამოვედით ნომერში და იგივე ბილეთები ინტერნეტით 80$ ვიყიდე.
მოკლედ ბევრ ფულს იხდი - სერვისს ვერ იღებ
შვეიცარია ძვირიაო რომ ამბობენ - ბევრ ქვეყანასთან შედარებით ძვირს კი იხდი (ნიუ იორკთან შედარებით იაფია) მაგრამ ადექვატურ სერვისი გარანტირებული გაქვს, განსაკუთრებით გერმანულ მხარეში. წესრიგზე, სისუფთავეზე, პუნქტუალობაზე არ ვლაპარაკობ
მოკლედ ნიუ იორკი მომსახეურებით მოსკოვს ჰგავს“.