დღეს ნუცუბიძის ქ. N 201–ში მცირე ზომის ამბულატორიული ცენტრი „ჩემი კლინიკა“ გაიხსნა. ნუცუბიძის ქუჩისა და ფერდობების მოსახლეობას შესაძლებლობა მიეცემა პირველადი ჯანდაცვის სერვისები, ყოველდღე, შაბათ–კვირის ჩათვლით, 9:00 სთ-დან 21:00 საათამდე მიიღოს.

პაციენტები ნუცუბიძის მცირე ზომის ამბულატორიულ ცენტრში კვირის განმავლობაში ყველა პროფილის ექიმის მომსახურების მიღებას შეძლებენ – დიაგნოსტიკური და ლაბორატორული კვლევები, გეგმიური აცრები, პირადი ექიმის, პედიატრის და მედდის მომსახურება, წამლებზე რეცეპტების გაცემა. ამბულატორია განახორციელებს პირველადი ჯანდაცვის სერვისებში შემავალი ყველა სახის სამედიცინო მანიპულაციის ჩატარებას.

მცირე ზომის ამბულატორიული ცენტრი „ჩემი კლინიკა“ „სამედიცინო კორპორაცია ევექსმა“ გახსნა. პროექტის ფარგლებში 2015 წელს, თბილისის 15 უბანში იგეგმება მსგავსი მცირე ზომის სამედიცინო ცენტრების გახსნა.

სახლთან ახლოს, ფეხით 10 წუთის სავალზე, „ჩემი კლინიკა“ დედაქალაქის მოსახლეობას გაუმარტივებს სამედიცინო სერვისებზე ხელმისაწვდომობას.

ნუცუბიძის ქუჩაზე გახსნილი ამბულატორიული ცენტრიპაციენტებს დღეიდან მოემსახურება.