ხონის სამხედრო დასახლებაში მცხოვრებ დენილებს დღეიდან ბუნებრივი აირი მიეწოდებათ

საზოგადოება - 16:46, 25 Dec, 2014

938

ვიცე-პრემიერი/ენერგეტიკის მინისტრი კახა კალაძე, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, გაზის ტრანსპორტირების კომპანიის დირექტორი მამუკა კობახიძე, იმერეთის გუბერნატორი ზაზა მეფარიშვილი და ხონის მუნიციპალიტეტის გამგებელი ჯემალ მებუკე ხონის მუნიციპალიტეტში, საქართველოს ოკუპირებული ტერიტორიებიდან იძულებით გადაადგილებულ პირთა სამხედრო დასახლებაში გაზიფიცირების სამუშაოების დასრულებას დაესწრნენ და მრავალშვილიან ოჯახში სიმბოლურად გაზქურა აანთეს.

მიმდინარე წელს, საქართველოს მთავრობის გადაწყვეტილებით შპს „საქართველოს გაზის ტრანსპორტირების კომპანიას” დაევალა 2014 წლის განმავლობაში დევნილთა გაზიფიცირებისთვის საჭირო საპროექტო, სამშენებლო და სამონტაჟო სამუშაოების განხორციელება.

აღნიშნულის ფარგლებში „გაზის ტრანსპორტირების კომპანიამ“ განახორციელა დევნილთა დასახლების სრული გაზიფიცრებისთვის საჭირო ყველა სამუშაო. აშენდა 8 594 მეტრი გაზსადენი და თითოეულ ოჯახში დამონტაჟდა ბუნებრივი გაზის აღრიცხვის კვანძი. სულ, გაზიფიცირდა ხონის მუნიციპალიტეტში, სამხედრო დასახლებაში მცხოვრები საქართველოს ოკუპირებული ტერიტორიებიდან იძულებით გადაადგილებული 646 ოჯახი.