პატიმარ რუსლან გუგუნავას ოჯახის წევრები ხელისუფლებას და უფლებადამველებს მოუწოდებენ მსჯავრდებულის მდგომარეობით დაინტერესდნენ. ამ მოთხოვნით მათ ფოთში საპროტესტო აქცია გამართეს და მერიასთან გზა გადაკეტეს.

როგორც ისინი აცხადებენ, გუგუნავას ციხის ადმინისტრაცია ემუქრება.

„მის მიმართ არის მუქარა, რომ დაემატება სასჯელი. ვითხოვთ, რომ მშვიდად მიეცეს ადამიანს საშუალება, მოიხადოს დარჩენილი სასჯელი ყოველგვარი ცემის და მუქარის გარეშე,” - განაცხადა პატიმრის დამ ფიქრია გუგუნავამ.

გუგუნავა სასჯელს გლდანის ციხეში იხდიდა. თუმცა მას შემდეგ რაც პატიმარმა სხვა მსჯავრედბულების ცემის ფაქტი გააპროტესტა, ოჯახის წევრების თქმით, მას ფიზიკურად გაუსწორდნენ. ამის შემდეგ ის ქუთაისის ციხეში სასჯელს იხდის.