საოპერო მომღერალი ნინო სურგულაძე კიდევ ერთ საქველმოქმედო კონცერტს მართავს. როგორც ცნობილი ხდება, საღამოს მსოფლიოს სხვადასხვა ქვეყნიდან 200-მდე სტუმარი ეწვევა.

მსოფლიოს საოპერო ვარსკვლავებთან ერთად (ესპანელი ტენორი - მასიმილიანო პიზაპია, სოპრანო - ელენა მოშუკი, მეცო - სოპრანო ენკელეიდა შკოზა და ბარიტონი კრისტოფერ რობერტსონი), საღამოში მონაწილეობას თბილისის ოპერისა და ბალეტის სიმფონიური ორკესტრი და გუნდიც მიიღებს. კონცერტს კი, იტალიელი მაესტრო, ბელგიის ლიეჟის სამეფო თეატრის მუსიკალური ხელმძღვანელი და მთავარი დირიჟორი პაოლო არივაბენი უდირიჟორებს.

საქველმოქმედო კონცერტი 29 დეკემბერს, 22 საათზე რუსთაველის თეატრში გაიმართება. ბილეთების შეძენა შესაძლებელია თეტრის სალაროებში. თანხა სრულად ჩაირიცხება ფონდის ანგარიშზე.