ტელეკომპანია „მაესტროდან“ წასული ჟურნალისტები დღეს საგანგებო განცხადების გაკეთებას გეგმავენ. ისინი იმ დეტალებზე ისაუბრებენ, რის გამოც არხის დატოვების გადაწყევტილება მიიღეს.

ერთ-ერთ მთავარ მიზეზად „მაესტროზე“ კოკა ყანდიაშვილის მისვლა სახელდება. სავარაუდოდ, საუბარი შეეხება იმ დოკუმენტსაც, რომლის მიხედვითაც დასტურდება, რომ ყანდიაშვილი მაესტროზე ნამდვილად იწყებს მუშაობას.

აღნიშნული დოკუმენტი გუშინ „რუსთავი 2“-მა გაასაჯაროვა. წერილი მიმდინარე წლის 11 დეკემბრით თარიღდება, ერთ-ერთი უნივერსიტეტისთვისაა განკუთვნილი. მასში "მაესტროს" გენერალური დირექტორი მოუწოდებს უნივერსიტეტს კოკა ყანდიაშვილის გადაცემაში მონაწილე სტუდენტების სია დროულად იქნას მიწოდებული ტელეკომპანიისათვის.