ტელეკომპანია „მაესტროს“ საინფორმაციო სამსახურის ყოფილი უფროსი ნინო ჟიჟილაშვილი არხიდან მისი წასვლის შესახებ პირევლ კომენტარს აკეთებს.

მისი განმარტებით, დეკემბრის ბოლოდან იგი ტელეკომპანიის დატოვებას თავად აპირებდა, თუმცა კოტე გოგელიამ დაასწრო.

როგორც ჟიჟილაშვილი ამბობს, გოგელიას გადაწყვეტილების მიზეზი არ აუხსნია.

„ცხრიანი“, რომელიც ჩემი პროექტია იანვრიდან ეთერში არ გავა და საეთერო ბადეში მის ადგილას მოიაზრება კანცელარიის თანამშრომლის კოკა ყანდიაშვილის გადაცემა. ისინი მათავისუფლებდენ საინფორმაციო სამსახურის უფროსის პოზიციიდანაც და მთავაზობდნენ კვირაში ერთს ან ორ თოქ-შოუს. მე ამაზე უარი ვთქვი და მათ იცოდნენ ჩემი გეგმები, რომ დეკემბრის ბოლოდან ვაპირებდი ტელევიზიიდან წასვლას. თუმცა გუშინდელი თათბირის შემდეგ მივიღე სატელეფონო შეტყობინება, რომ მე აღარ ვმუშაობ ამ არხზე, მიზეზების განმარტება არ მომხდარა", - განაცხადა ჟიჟილაშვილმა.