კოკა ყანდიაშვილი კიდევ ერთხელ განმარტავს, რომ ტელეკომპანია „მაესტრო“ მას არ უყიდია და არც იქ მუშაობას არ აპირებს. ამის შესახებ ყანდიაშვილი „ფეისბუქის“ პირად გვერდზე წერს.

"ყურადღება!!! პატივცემულო კოლეგები, ბოლო 4-5 დღეა თითქმის სრულიად ქართული მედია მირეკავს და მეკითხება: 1) ვიყიდე თუ არა ტელეკომპანია "მაესტრო"? 2) დავინიშნე თუ არა ტელეკომპანია "მაესტროს" დირექტორად? 3) წავიყვან თუ არა იანვრიდან ტელეკომპანია "მაესტროში" გადაცემას?

გპასუხობთ!!!

1) არ მიყიდია!!! - არ მაქვს არც საყიდელი ფული და არც ყიდვის სურვილი და საერთოდ "მაესტრო" არ იყიდება :))) 2) არ დავნიშნულვარ - და არც არავის შემოუთავაზებია დირექტორობა ან მოადგილეობა, ან მენეჯმენტში მონაწილეობა მაინც!!! 3) იანვრიდან გადაცემას "მაესტროზე" არ წავიყვან!!! - და მეტი ასეთი სისულელეებით აღარ შემაწუხოთ.

და ბოლოს:

უკვე ნახევარ წელზე მეტია, გრძელდება მოლაპარაკება "მაესტროსთან" და სხვა არხებთან - ჩემი მომავალი სტუდიის პროექტების შეძენასთან დაკავშირებით. კერძოდ "მაესტრო" - დაინტერესებულია 2 ტელე-პროდუქტით: რეალითი-შოუ ფეხბურთზე (ძალიან მაგარი იდეაა) და საზოგადოებრივ-პოლიტიკური თოქ-შოუ. ამის შესახებ ჯერ კიდევ 2014 წლის სექტემბერში დავწერე ფეისბუქზე - იხილეთ ლინკი: https://www.facebook.com/photo.php?fbid=10203562377634660&set=a.1118057586259.19186.1071587413&type=1&theater მოლაპარაკებები არხებთან - გრძელდება და ჯერ არ დასრულებულა. ასევე გიდასტურებთ, რომ არსად არ ვიწყებ მუშაობას ისედაც მაქვს სამსახური - და, თუ რაიმე სიახლე იქნება აუცილებლად შეგატყობინებთ. გპირდებით - ყველას გაგაგებინებთ მომავალ წელს - სტუდიის პრეზენტაციის თარიღს და ადგილსაც.

წარმატებები...... პატივისცემით კოკა", - წერს ყანდიაშვილი.