„იცი, როდის ხარ ბებერი“? - ნათია ფანჯიკიძე

საზოგადოება - 11:41, 22 Dec, 2014

1996

„იცი, როდის ხარ ბებერი? როცა ახალგაზრდობის ყველა სურათი, რაც მაშინ არ მოგწონდა, ახლა ულამაზესად გეჩვენებაო, ერთმა 40-ს კარგად გადაცილებულმა მითხრა“, - წერს სოციალურ ქსელში ნათია ფანჯიკიძე და შემდეგ პოსტს აქვეყნებს.
ნათია ფანჯიკიძე: „გატეხილი ტელეფონი ვიპოვე, ამდენი ხანი იმიტომ არ გადავაგდე, მეგონა, რომელიმე მშვენიერ დღეს ხასიათზე მოვიდოდი, წავიღებდი ხელოსანთან და ვთხოვდი, იქნებ ფოტოების გადარჩენის და დისკზე ჩაწერის შანსი არსებობს-თქო. მივხვდი, რომ ეს დღე არც დღესაა და სავარაუდოდ, არც ხვალ დადგება.
წამის წარმავალობასთან და მის ფანტომურობასთან იოლად შეგუების მშვენიერი შესაძლებლობა მოიტანა კომპიუტერულმა ეპოქამ და არც ღირს ამ მონაპოვართან ბრძოლა.
შვილები რომ პატარები მყავდა, მაშინ კი ვბეჭდავდი ფოტოებს და ალბომებში ვასაწყობებდი და ძალიანაც მოსწონთ თვალიერება - "რა საყვარელი ბავშვი ვიყავი" - მშვენიერი განმტკიცებაა დაბადების მიმართ სიმპათიის განმეორებით დასადასტურებლად.
უკვე მაშინაც, დედა რომ გავხდი, სამოყვარულო აპარატი თითქმის ყველას ჰქონდა და ჩემი შვილების ბევრად მეტი სპონტანური ფოტო მაქვს, ვიდრე ჩემი ბავშვობის.
ახლა რომ ბეჭდვით გაერთო, რამდენიმე წელიწადში თითო ადამიანს თითო შენობა დასჭირდება პირადი არქივისთვის“.