ექსკლუზივი: ვის უნდოდა სტალინის ძეგლის ყიდვა - პირქვედამხობილი ,,ბელადის“ მსურველები

საზოგადოება - 20:42, 21 Dec, 2014

2111

კომუნისტური პარტიის წარმომადგენელი ალეკო ლურსმანაშვილი „ნიუპოსტთან“ საუბრისას აცხადებს, რომ სტალინის ძეგლის ყიდვას ,,კაპიტალისტური სახელმწიფოების“ წარმომადგენლები ცდილობდნენ, რაზეც კომუნისტური პარტიისაგან კატეგორიული უარი მიიღეს. ლურსმანაშვილის განცხადებით, ისინი ვისაც სტალინის ძეგლის ყიდვა სურდათ ხალხის მოტყუებას აპირებდნენ. „ჩვენს ქალაქში დაიარებოდნენ ზოგიერთი „ემისრები“, ზოგიერთი კაპიტალისტური სახელმწიფოების წარმომადგენლები, არ მინდა დავასახელო, რომლებიც იძახდნენ იმას, რომ მოგვყიდეთ სტალინის ძეგლი ოღონდ თქვენ არაფერი არ თქვათ. ჩვენ ამას წავიღებთ, სადაც საჭიროა და იმ ადგილას, სადაც ძეგლი უნდა დაიდგას. გორში სხვა ძეგლს დავდგავთო. შემიძლია სახელი და გვარი დავასახელო ,ვისაც ყიდვა უნდოდა, მაგრამ თავს შევიკავებ, ისტორიის გაყიდვა არ შეიძლება.“- ამბობს ლურსმანაშვილი, რომელიც ხელისუფლებას მოუწოდებს დაუყოვნებლივ აღიმართოს „დიდი ბელადის“ მონუმენტი მისივე სახელობის მუზეუმის სკვერში.

სტალინის ძეგლი, რომელიც გორის ცენტრში 60 წელზე მეტხანს იდგა ამ დროისათვის ქალაქგარეთ ერთ-ერთ ძველ შენობაში პირქვედამხობილი ინახება.