,,ნიკუშამ პირველად გაიღიმა ამ მძიმე დღეების შემდეგ“

,,ნიკუშამ პირველად გაიღიმა ამ მძიმე დღეების შემდეგ“ - ნიკა ნატროშვილის დედა

საზოგადოება - 23:42, 20 Dec, 2014

9087

დღეს ნიკა ნატროშვილის გადასარჩენად Club Re:Public A-ში აქცია-კონცერტი გაიმართა. საღამო ნიკა ნატროშვილის მეგობრების ორგანიზებითა და მედია საშუალებების მხარდაჭერით ჩატარდა. კონცერტზე ქართელმა მომღერლებმა იმღერეს.

,,ნიუპოსტი“ საქველმოქმედო კონცერტზე ნიკა ნატროშვილის დედას ესაუბრა.

,,დღევანდღელ დღესთან და არამარტო დღევანდელ დღესთან დაკავშირებით მე მადლიერებას გამოვხატავ და სიტყვები არ მყოფნი, გულწრფელად ვიხდი დიდ ბოდიშს იმ ძალიან დიდი ემოციისთვის, რომელიც თქვენდამი გამოვიწვიე, ავაფორიქე სულ ყველა და თქვენც ხედავთ რა ხდება თბილისში ეს დღეები და სხვათაშორის არამარტო თბილისში, შიდა ქართლში ახალგაზრდა ბავშვები წვეულებებს და ღონისძიებებს ნიკას დასახმარებლად. ეს ხდება აბსოლუტურად ჩვენგან დამოუკიდებლად. დღევანდელ საღამოს რაც შეეხება, ეს ყველაფერი ნიკას მეგობრების დამსახურებაა, ყველა მომღერალსა და მუსიკოსს უდიდესი მადლობა, გეფიცებით ისე მერიდება და ისეთი ემოციების მოძალება მაქვს რომ ვერანაირად გადმოვცემ. მე მადლობა ამ ხალხს მხოლოდ იმიტომ მინდა ვუთხრა, რომ როდესაც მოვიდნენ გუშინ ღამე მისი მეგობრები და უთხრეს რა ხდებოდა ქალაქში ნიკუშამ პირველად გაიღიმა ამ მძიმე დღეების შემდეგ. მინდა ასევე თქვენ გადაგიხადოთ დიდი მადლობა, თანადგომისათვის“ - განაცხადა ნიკას დედამ.