პროდიუსერ კახა მამულაშვილის თქმით, არაფერი ცუდი არ არის იმაში, რომ მომღერალს თბილისის კონცერტებში სიმღერის ამბიცია ჰქონდეს.

ამის შესახებ მამულაშვილმა გადაცემა „რეაქციაში“ განაცხადა.

„დედას ვფიცავარ, ჩვენთვის მნიშვნელობა არ აქვს დაგვიძახებენ, თუ არა. არ ვართ ადამიანები, რომ ვინმეს სამათხოვრო გავიხადოთ, რომ კონცერტზე გამოგვყვანონ. როდესაც კულტურის სამინისტროდან დაგვირეკეს და გვითხრეს, რომ რეგიონში უნდა წავსულიყავით, ავუხსენი ადამიანს, რომ საღამოები თბილისში გვქონდა დაგეგმილი. მეორე, რა არის ცუდი, რომ ამბიცია გქონდეს ჩამოყალიბებულ კომერციულ მომღერალს, რომ მონაწილეობა მიიღო თბილისის კონცერტში. რეგიონში, რომ მიდიხარ და მაგნიტოფონის დინამიკს გიდგამენ, ის არის კარგი?“, - განაცხადა კახა მამულაშვილმა.