ოზურგეთში 40-მდე ოჯახი უშუქობას აპროტესტებს

საზოგადოება - 23:12, 19 Dec, 2014

1519

ქალაქ ოზურგეთში, ყოფილ ცენტრალურ საავადმყოფოს შენობებში შესახლებული ოჯახები ქალაქის მერიისაგან შუქის მიწოდების აღდგენას ითხოვენ.

ისინი ყოფილ საავადმყოფოს შენობასთან არიან შეკრებილები და შესაბამისი სამსახურების მიერ შუქის მიწოდების აღდგენას მოითხოვენ.

როგორც მათ ,,გურიის მოამბეს“ განუცხადეს, ამ საღამოს ადგილობრივი "ენერგო პროს' წარმომადგენლებმა, მათ მიერ სხვა საცხოვრებელი სახლიდან გადაყვანილი, ელექტროენერგიის მიმწოდებელი კაბელები გადაჭრენ, წაიღენ და იქ მცხოვრები 40-მდე ოჯახი, მათ შორის უმრავლესობა მოხუცები და ბავშვები უშუქოდ დატოვეს.

ოზურგეთის ყოფილ, ცენტრალურ საავადმყოფოს შენობებში, უკვე რვა თვეა, უსახლკაროდ დარჩენილი ასამდე ადამიანი ცხოვრობს.

მათი განცხადებით, ადგილობრივი ხელისუფლება მათ არჩევნების დროს პირდებოდა, მმართველი პარტიისადმი მხარდაჭერის სანაცვლოდ ელემენტარული პირობების მყისიერ მოგვარებას.

თუმცა, საცხოვრებელს, დღემდე, არც წყალი მიეწოდება, არც კანალიზაცია გაკეთებულა, მითუმეტეს ბუნებრივი აირი არ არის, მაგრამ, როგორც ისინი აცხადებენ, უშუქოდ დარჩენა მათთვის სიკვდილის ტოლფასია და ისინი ხელისუფლებისაგან შუქის დაუყოვნებლივ მიწოდებას კატეგორიულად მოითხოვენ.

როგორც ,,ნიუპოსტს“ ,,ენერგო პრო ჯორჯიას“ ოზურგეთის ოფისის ხელმძღვანელმა გია ნაკაიძემ განუცხადა, საავადმყოფოს შენობაში შესახლებული ადამიანები კანონის დაღვევით მოიხმარდნენ ელექტროენერგიას:

,,ჩვენ დღეს გავიგეთ, რომ მრიცხველის გვერდის ავლით გადაყვანილი ყავდათ შუქი. ადგილზე მივიდნენ ჩვენი წარმომადგნელები და კანონის დაცვით ჩავჭერით“, - აცხადებს ნაკაიძე.