18 დეკემბერს მართმადიდებელი ეკლესიის წმინდანის, ღირსი მამის, საბა განწმენდილის ხსენების დღე აღინიშნება.

საბა განწმენდილი V-VI საუკუნეებში მოღვაწე ქრისტიანი მეუდაბნოე მამა, განდეგილი, მართლმადიდებლური ლავრებისა და მონასტრების დამაარსებელი იყო. ის 439 წელს კაბადოკიაში დაიბადა, ბერული ცხოვრება 17 წლისამ დაიწყო. გადმოცემის თანახმად წმინდა ცხოვრებისთვის საბას უფლისგან სასწაულთმოქმედების მადლი მიენიჭა. მისი ლოცვით უდაბნოში წყარო აღმოცენდა, საშინელი გვალვის დროს ძლიერი წვიმა წამოვიდა, მრავალი სნეული და ეშმაკეული განიკურნა, ბევრი გადაურჩა სასიკვდილო საფრთხეს. ნეტარ მამას მხეცებიც ემორჩილებოდნენ და ემსახურებოდნენ, ხშირად ისინიც ღებულობდნენ მისგან კურნებას.

საბა განწმენდილმა საკუთარი აღსასრულის მოახლოება წინასწარ განჭვრიტა: დასნეულებულმა, ოთხი დღე მარხვაში და მდუმარებაში გაატარა, შაბათ საღამოს კი ეზიარა და 532 წლის 5 დეკემბერს გარდაიცვალა.