მოკლული ლაშა მახარაძის დედა ნინო დიდებულიძე შვილის მკვლელობის საქმეში ბრალდებული, გიორგი ოქროპირიძის განცხადებებს გამოეხმაურა.

მას ბრალდების სიზუსტეში ეჭვია არ ეპარება და მიიჩნევს, რომ ოქროპირიძე სამუდამო პატიმრობის შიშის გამო ცრუობს.

„მაგან მოკლა ჩემი შვილი და სხვას რატომ აბრალებენ. თავის თავის დაცვაშია და დედამისს და მას არ გამოუვათ ეს ხრიკები“, - ამბობს დიდებულიძე "კურიერთან" საუბარში.

საქალაქო სასამართლოში ლაშა მახარაძის მკვლელობაში ბრალდებულის გიორგი ოქროპირიძის წინასასამართლო პროცესი გაიმართა. „ოქრიკა“ თავს უდანაშაულოდ ცნობს და საკუთარ თავს 21-ე საუკუნის ტყვეს უწოდებს.

ლაშა მახარაძე 2 სექტემბერს ვაკეში ჩაცხრილეს. მისი მკვლელობის ბრალდებით ერთი პირი, გიორგი ოქროპირიძეა დაკავებული.