განათლების პროფკავშირის სამსახურის ხელმძღვანელის ინფორმაციით, მელაურის სკოლას, სადაც დღეს უცხო მამაკაცი შეიჭრა, არც დაცვა და არც მანდატური ჰყავს.

"მელაურის სკოლში არც დარაჯია და არც მანდატური, მაინტერესებს რატომ? ფული არ აქვს სახელმწიფოს?“- განაცხადა აკაკი ხუსკივაძემ.

სამტრედიის რაიონის სოფელ მელაურში მდებარე საჯარო სკოლაში გაკვეთილის მიმდინარეობის დროს უცხო მამაკაცი შეიჭრა. გავრცელებული ინფორმაციით, მამაკაცმა პედაგოგი დაჭრა, თუმცა მასწავლებლის დაჭრის ფაქტს შინაგან საქმეთა სამინისტროში არ ადასტურებენ.

მომხდართან დაკავშირებით გამოძიება ყაჩაღობის მუხლით აღიძრა.