,,შეჩერდით!“ - მდუმარე აქცია საყდრისის დასაცავად პრეზიდენტის ადმინისტრაციასთან

საზოგადოება - 20:44, 14 Dec, 2014

1874

პრეზიდენტის ადმინისტრაციასთან საყდრისის მოვლენებთან დაკავშირებით მდუმარე აქცია მიმდინარეობს - სახელწოდებით ,,შეჩერდით!“. აქციის მონაწილეები ითხოვენ, რომ გიორგი მარგველაშვილმა დააფიქსიროს თავისი პოზიცია და დროულად მოხდეს პროცესებში ჩარევა, რათა ეს კულტურული ძეგლი იყოს დაცული. ,,საყდრისის გადარჩენის კომიტეტის“ წევრები ამბობენ, რომ გუშინდელმა აფეთქებამ უკვე საკმარისად დააზიანა საყდრისი და ითხოვენ პრეზიდენტთან შეხვედრას.

,,საქართველოს აღმასრულებელმა ხელისუფლებამ დაკარგა ნდობა და ჩვენ არ გვაქვს საშუალება, რომ მივმართოთ ამ საკითხების გადაწწყვეტისთვის. პრეზიდენტი, რომელსაც აქვს მეტი ნდრობა, გვსურს მის მიერ მოხდეს რეაგირება“ - აცხადებენ აქციის ორგანიზატორები.

მათი თქმით, კომპანია ,,არემჯი გოლდის“ წარმომადგენლებთან შეხვედრის მცდელობა იყო, თუმცა მათთან კონტაქტი რთული იყო. ,,ისინი ცდილობენ, რომ თავიდან აიცილონ პაუხები. ჩვენ გვინდა, რომ პრეზიდენტი იყოს ამ საკითხში შუამავალი. ჩვენ კვჭირდება პრევენციის მექანიზმები, რომ რაც არის დარჩენილი საყდრისში, ის გადარჩეს“ - აცხადებენ აქციის ორგანიზატორები ,,იმედის კვირასთან“.