„ჩვენ გვინდა მოუწოდოთ საქართველოს ცენტრალურ ხელისუფლებას პრემიების აღების ნაცვლად გაგრძელდეს გორის ციხის რეაბილიტაცია“ ,- აღნიშნული განცხადება დღეს „ერთიანი ნაციონალური მოძრაობის“ რაიონული ორგანიზაციის თავმჯდომარემ კახა ტოლიაშვილმა გორში, წერეთლის ქუჩაზე გამართულ გამოფენაზე გააკეთა.

გამოფენაზე დამთვალიერებლებს საშუალება ჰქონდათ ენახათ „ნაციონალური მოძრაობის“ ხელისუფლებაში ყოფნის დროს გორში განხორციელებული პროექტები.

„2011-2012 წლებში მოხდა 62 სახლის რეაბილიტაცია, წერეთლის ქუჩაზე. 2013-2014 წლებში დაგეგმილი იყო 240 სახლის რეაბილიტაცია. კასტელის, ქართლის ქუჩის მთლიანი აღდგენა, გორის ციხის აღდგენა, როგორც ახალციხის რაბათი. სამწუხაროდ, ეს პროექტები შეჩერდა, გორმა დაკარგა უამრავი სამუშაო ადგილი, 240 ოჯახმა საკუთარი საყოფაცხოვრებო პირობები ვერ გაიუმჯობესა, არ აღდგა გორის ციხე, არ განვითარდა ტურიზმი, ანუ არანაირი მშენებლობა და წინსვლა ჩვენს ქალაქში არ ხდება. ჩვენ გვინდა მოუწოდოთ საქართველოს ცენტრალურ ხელისუფლებას პრემიების აღების ნაცვლად გაგრძელდეს გორის ციხის რეაბილიტაცია, შეიქმნას უამრავი სამუშაო ადგილი.“ განაცხადა კახა ტოლიაშვილმა.

გიორგი ახალკაცი „ნიუპოსტი“ შიდა ქართლი.