ქალაქ რუსთავის მერიის წინ სასწრაფო სამედიცინო დახმარების მანქანების გადაცემის ცერემონია გაიმართება. ღონისძიებას სასწრაფო სამედიცინო დახმარების ცენტრის დირექტორი თეიმურაზ ხარაშვილი, დირექტორის მოადგილე გიორგი შათირიშვილი, ქვემო ქართლში სახელმწიფო რწმუნებულის მოვალეობის შემსრულებელირამინ ისმაილოვი და ქალაქ რუსთავის მუნიციპალიტეტის მერი დავით ჯიქია დაესწრებიან.

განაწილების ამ ეტაპზე, ქვემო ქართლის რეგიონული სასწრაფო სამედიცინო დახმარების ცენტრის ავტო პარკი 10 ავტომობილით განახლდება.

გარდაბანში 3, მარნეულში 2, კოდაში, ბოლნისში, რუსთავსა და დმანისის რაიონებში კი თითო-თითო ავტომობილი გადანაწილდება. სასწრაფო სამედიცინო დახმარების გარდაბნის რაიონულ ცენტრს 1 მაღალი და 2 საშუალო გამავლობის მანქანა გადაეცემა. მარნეულის რაიონში 2 მაღალი და 1 საშუალო გამავლობის ავტომობილი განაწილდება. დმანისის სასწრაფო დახმარების ცენტრს 1 მაღალი, ხოლო რუსთავის, ბოლნისისა და კოდას რაიონულ ცენტრებს კი თითო საშუალო გამავლობის მანქანა გადაეცემა.

სასწრაფო სამედიცინო დახმარების ცენტრის ავტოპარკის განახლება 29 ოქტომბერს დაიწყო. ამ დრომდე სასწრაფო დახმარების ავტოპარკი 94 მანქანით შეივსო.მომდევნოეტაპზე, ახალი სამედიცინო წესით აღჭურვილი, საერთაშორისო სტანდარტების შესაბამისი ავტომობილებისამცხე-ჯავახეთის რეგიონს გადაეცემა. წლის ბოლომდე კი ცენტრის ავტოპარკი 180 მანქანით სრულად განახლდება.