„დავით გაგუას“ კლიკის უფროსი ადვოკატ ზურაბ ჯორბენაძეს ცილისწამებისთვის უჩივლებს.

ამის შესახებ დავით გაგუამ „ნიუპოსტთან“ საუბარში განაცხადა.

მისი თქმით, კლინიკას არასოდეს მიუმართავს რეპროდუქციული მეთოდებისთვის.

„სატირალია, რომ ჩემზე და ჩემს კლინიკაზე ვინმე მსგავს რამეს განაცხადებს. მთელი ცხოვრება, არასოდეს გამომიყენებია რეპროდუქციული მეთოდები ანუ არც ინვიტრო და არც სუროგაცია. ამასთან კავშირი საერთოდ არ მაქვს. რაც შეეხება ბატონ ზურას, მას საერთოდ არ ვიცნობ. თუ ჩვენ ესეთი რამ გავაკეთეთ, რატომ არ მიმართა სამართალდამცველებს ან როგორ უნდა გაგვეპრავებინა ჩვენ მსგავსი ფაქტი. ალბათ მისი მიზანია, რომ სკანდალი ააგოროს და შემდეგ მე შემიყვანოს დიალოგში. ძალიან აღშფოთებული ვარ ამ ინფორმაციის გამო, აუცილებლად მივმართავ სამართალდამცველ სტრუქტურებს და ცილისწამებისთვის პასუხს მოვთხოვ“, - აცხადებს დავით გაგუა „ნიუპოსტთან“ საუბრისას.

ადვოკატ ზურაბ ჯორბენაძის ინფორმაციით, „დავით გაგუას“ კლინიკა და კლინიკა „ინ ვიტრო“ ბავშვების ვაჭრობის საქმეში ღიად არიან ჩართული. მისი განმარტებით, მისი დაცვის ქვეშ მყოფი ქალბატონის ჩვილი მისცეს ქალბატონს, რომელიც ამავე საადმყოფოში იწვა, თუმცა არ უმშობიარია.