დედაქალაქის საკრებულოს ქონების მართვისა და საფინანსო-საბიუჯეტო კომისიის თავმჯდომარის ჯაბა სამუშიას თქმით, თბილისში დაახლოებით 12 000 ოჯახს დასუფთავების დავალიანების გადახდა აღარ მოუწევთ.

მისი თქმით, გადაწყვეტილება თბილისის მერიამ და საკრებულომ ერთობლივად მიიღეს.

„თბილისის მოსახლეობას გაუნულდება დასუფთავების დავალიანება. წლების განმავლობაში დაგროვილი დასუფთავების დავალიანება დაახლოებით 12 000 ოჯახს ერიცხება. ჩვენი გადაწყვეტილებით, წლევანდელ წელს ცხადდება ამნისტია. ამ კატეგორიის ოჯახებს ვაუჩერის სახით სპეციალურად დაერიცხებათ აღნიშნული დავალიანების დასაფარი თანხა, რომელიც დაახლოებით მილიონ ლარზე მეტია", - განაცხადა ჯაბა სამუშიამ.