გორში, კომბინატის დასახლებაში, გასული წლის მსგავსად მიუსაფარი პირებისთვის კარვების გაშლაა დაგეგმილი. თუმცა როდის ამას დაზუსტებით „ნიუპოსტს“ ვერავინ ეუბნება. როგორც გორის მერიის სოციალური სამსახურის ხელმძღვანელი ეკატერინე ქუთათელაძე აცხადებს, კარვების გაშლა დაგეგმილია, თუმცა როდის ამაზე მას ზუსტი პასუხი არ აქვს.

ქუთათელაძე ამბობს,რომ კარვები დაახლოვებით მიმდინარე თვის შუა რიცხვებში გაიშლება. კარვების გაშლის გაჭიანურების საკითხს „ადამიანის უფლებათა ცენტრის“ შიდა ქართლის ოფისი გამოეხმაურა.

ორგანიზაციის წარმომადგენლები გორის მერიას მოუწოდებენ, დროულად მოხდეს მიუსაფარი ადამიანებისთვის გამოსაზამთრებლად კარვების გაშლა, რადგან ზამთარში ღია ცის ქვეშ დარჩენილი ადამიანების გაყინვის ალბათობა დიდია.

გიორგი ახალკაცი „ნიუპოსტი“ შიდა ქართლი