ნიკო ბერიძე: "პრინცესა ქალები" საწოლშიც დებილები არიან"

საზოგადოება - 23:50, 10 Dec, 2014

7805

მომღერალი ნიკო ბერიძე ამერიკული გასტროლებისთვის ემზადება. ბავშვობის მეგობრებისგან შემდგარი კვარტეტით ოკეანის გაღმა რამდენიმე კონცერტს გამართავს. პერსპექტივაში საკუთარ თავსაც უცხოურ შოუბიზნესში ხედავს და არა – ქართულ სცენაზე. ფიქრობს, რომ მისი გემოვნების მუსიკას დღეს საქართველოში ცოტა მსმენელი ჰყავს. მშვენიერ სქესთან მიმართებაშიც თამასა ძალიან მაღლა აქვს აწეული. "პრინცესა" გოგონები სასაცილოდ მიაჩნია, არც მეტი და არც ნაკლები, დედოფალივით ქალს ეძებს და დარწმუნებულია, რომ ოდესმე აუცილებლად შეხვდება.

გთავაზობთ ამონარიდს ინტერვიუდან, რომელიც მომღერალმა ჟურნალ ,,სარკეს“ მისცა.

– პირად ცხოვრებაზე საუბარს ყოველთვის თავს არიდებთ. ეს საკითხი გვერდით გაქვთ გადადებული თუ ვერავინ შეძლო თქვენი გულის მოგება?

– არ მაქვს სურვილი, რომ შეყვარებული მყავდეს. გულს რომ ვუბრძანო, ეს არ არის ადვილი საქმე, მაგრამ ჯერჯერობით მემორჩილება. სიმართლე გითხრათ, სერიოზული ურთიერთობისთვის არც ვარ მზად. შეყვარებული სულ რაღაც 3 წლის წინ ვიყავი და ის ურთიერთობა მხოლოდ და მხოლოდ ტკბილ მოგონებად დამრჩა.

– თუ სიყვარულისთვის მოიცლიდით, როგორი გოგონა მოგეწონებოდათ?

– პრინცესები – არა! მძულს და მეცინება ასეთ გოგონებზე.

– პრინცესებს როგორ გოგონებს უწოდებთ?

– ზედმეტად გადაპრანჭულები რომ დადიან და "ფეისბუქზე" უნიჭოდ გადაღებულ ვიდეოებს რომ დებენ ბიჭების ყურადღების მისაქცევად. ასეთები მასას აყოლილი "ნაშები" არიან. ჯაზს იმიტომ კი არ უსმენენ, რომ მოსწონთ, არამედ იმიტომ, რომ თბილისში მოდაშია. ჯაზის ორ შემსრულებელს დაიმახსოვრებენ და იმას "ჩაიხვევენ". სხვათა შორის, ასეთ გოგონებს ყოველთვის პირდაპირ ვეუბნები ხოლმე, მათზე რასაც ვფიქრობ.

არ მესმის, კაცებს რატომ მოსწონთ ასეთი "პრინცესა ქალები". გასაგებია, რომ ადვილად "დასაკერები" არიან, მაგრამ ისინი საწოლშიც დებილები არიან. ჩემი რჩეული პრინცესა კი არა, დედოფალი უნდა იყოს და ასეთი გოგო გამოჩნდება კიდეც. მთავარია, დედოფლის ხარისხი ჰქონდეს, მერე კი მე ვაქცევ მას დედოფლად.